麻痺英

Open Now

Now Closed

今日到大埔探朋友順便同朋友食雞煲同打邊爐，朋友介紹屋企附近有一間小店嘅雞煲同打邊爐，所以就去試下，餐廳門面比較細小，但餐廳內外都坐滿客人，我哋等左一陣就可以入座，店員都比較忙，只有兩位店員，但都好落力介紹他們的招牌雞煲，我同朋友就決定點左店員推介嘅招牌雞煲，原來餐廳都仲包左任食火鍋配料同任飲無酒精飲品。好快雞煲就送上，店員叫我哋等大家3-5分鐘，一打開好香，我哋都急不及待開始進食，我地叫左小辣，岩岩合適平時唔係食得太辣既我，而且雞肉好嫩滑亦都醃得十分入味，一口咬落去都十分彈牙。好快我哋已經將整個雞煲食哂，之後我地就點左一D火鍋配料，有魷魚筒，肥牛，五花腩肉，粟米等…其實仲有好多選擇，實在不能盡錄，其他火鍋配料都好新鮮，一個價錢已經可以食雞煲同打邊爐真係好超值。而且店舖雖然十分忙碌，但店員依然十分落招呼，認真抵讚，所以都希望大家多多支持呢種小店。