Video
Read full review
2021-06-04
826 views
生日想食法國菜，但着得好求其，臨急抱佛腳揾到間唔使dress code 價錢又okay嘅隱世餐廳，據悉廚師好似仲同MasterChef 嘅主持一齊合作過。 六道菜大概$990/person，味道其實同某啲叫價千幾二千嘅地方相差不大。 頭盤係池魚刺身，我對生嘅食物要求好高，有少少少少fishy 同海水味都唔得，但佢呢個幾新鮮，主要係個蕃茄tar tar sauce 好開胃，入面有啲芥末辟味，好適合夏天食。 跟住有個扇貝天婦羅，佢將個扇貝打做mousse 塞入個青瓜花入面炸，隔離係日本白粟米，蛋白泡沫，同松露汁。但我覺得呢個就唔太impressive，似日式炸魚蛋，有啲浪費咗個scallop，原粒扇貝釀入去可能仲好食。 然後係佢哋嘅signature 龍蝦，嫩、爽口、清甜、juicy ，非常優秀。最底係大根，似用高湯熬過，都幾好食，個汁用提子粒整酸酸甜甜用嚟點麵包食。 成餐最驚艷真係估佢唔到，係個龍蝦cappuccino 。佢用蝦膏煲，入面有龍蝦肉提子同檸檬皮，但完全唔會蓋過龍蝦味，反而係越飲越有驚喜，層次豐富。第一啖啜下個泡已經愛上咗，陣蝦膏味沁唒出嚟😍 好正！ 後面同員工
六道菜大概$990/person，味道其實同某啲叫價千幾二千嘅地方相差不大。
頭盤係池魚刺身，我對生嘅食物要求好高，有少少少少fishy 同海水味都唔得，但佢呢個幾新鮮，主要係個蕃茄tar tar sauce 好開胃，入面有啲芥末辟味，好適合夏天食。
45 views
1 likes
0 comments
跟住有個扇貝天婦羅，佢將個扇貝打做mousse 塞入個青瓜花入面炸，隔離係日本白粟米，蛋白泡沫，同松露汁。但我覺得呢個就唔太impressive，似日式炸魚蛋，有啲浪費咗個scallop，原粒扇貝釀入去可能仲好食。
38 views
2 likes
0 comments
然後係佢哋嘅signature 龍蝦，嫩、爽口、清甜、juicy ，非常優秀。最底係大根，似用高湯熬過，都幾好食，個汁用提子粒整酸酸甜甜用嚟點麵包食。
35 views
1 likes
0 comments
成餐最驚艷真係估佢唔到，係個龍蝦cappuccino 。佢用蝦膏煲，入面有龍蝦肉提子同檸檬皮，但完全唔會蓋過龍蝦味，反而係越飲越有驚喜，層次豐富。第一啖啜下個泡已經愛上咗，陣蝦膏味沁唒出嚟😍 好正！ 後面同員工傾起，先知原來佢哋cancel 過，但好多客request想要返。
34 views
1 likes
0 comments
之後係慢煮雞胸，要倒雞湯落去食，件雞口感好白滑，上面有法國火腿，令個雞湯有津白嘅味道，我覺得個湯出色過個雞。
35 views
1 likes
0 comments
終於到主菜重頭戲，佢offer牛同乳鴿，佢哋講明自己唔用本地鴿所以可以整半生熟。我本身已經唔係好食魚生，連家禽都生就更抗拒。但呢個又完全可以接受，有乳鴿香味但冇血醒。
牛肉中規中矩啦，個葱同菇反而好好味。
31 views
1 likes
0 comments
20 views
1 likes
0 comments
最後甜品有雪葩同yogurt ，佢仲幫生日壽星寫咗字同插蠟燭。乳酪打咗做泡沫好好食，酸餿味唔重，唔太甜唔太酸，好fresh 同解膩，雪葩冇乜特別，個yogurt 我畀五星。
19 views
1 likes
0 comments
總結係幾開心嘅體驗，食物質素高，職員好細心同有求必應，每個course 都有專業講解，最後推薦咗lunch set 畀我哋下次再試。我就咁睇個menu 的確係CP值爆燈，下次會再嚟。
Post
