Video
Read full review
2023-01-09
79 views
雖然開左關，但係仲未諗住出國，不如係香港食返個日式拉麵🍜回味一下味道先。第一樣驚喜既係未食之前，店員大姐姐們的服務好熱情❤️一踏入鋪頭就會迎接我哋去到座位，然後問我哋想飲凍水定係熱茶，天氣凍冰冰所以我哋都係簡左熱茶，雖然係茶包茶，但係姐姐們都會歡迎我哋加水，吾會話食完飲完茶就完曬服務，呢個真係值得一讚！工作態度好好👍點餐期間我哋因為第一次食，所以想問下餐點問題，姐姐都會好好解答我地既問題。☺️☺️諗左好耐終於諗到都係要試吓佢哋既招牌系列，黑蒜濃厚山藥豚骨拉麵🍜第一啖梗係要飲吓佢個湯啦！食拉麵前要飲一飲個湯係重點！拉麵個湯底，做得好嘅話已經得分不少！湯底味道濃厚，有滿滿嘅豚骨拉麵風味，加上黑蒜油，味道相對咁濃厚，至於山藥應該係磨碎左，所以驟眼睇唔到山藥嘅蹤跡，估計應該係同湯底混合左，於是個湯底會有少少稠稠糊糊既感覺，即使唔鍾意食山藥嘅朋友，都會鍾意食呢一個稠稠的感覺（應該係，除非吾係😂）佢哋個拉麵仲可以揀叉燒嘅種類，我揀咗最普通BBQ嗰隻叉燒，就係我哋平時食拉麵最常見嗰種卷狀叉燒切片，佢哋仲有御屋同埋豚角煮，朋友揀咗御屋，其實御屋就係兩款叉燒嘅混合版，想食晒BBQ同埋豚角煮叉燒嘅話就可以揀御屋
第一樣驚喜既係未食之前，店員大姐姐們的服務好熱情❤️一踏入鋪頭就會迎接我哋去到座位，然後問我哋想飲凍水定係熱茶，天氣凍冰冰所以我哋都係簡左熱茶，雖然係茶包茶，但係姐姐們都會歡迎我哋加水，吾會話食完飲完茶就完曬服務，呢個真係值得一讚！工作態度好好👍
點餐期間我哋因為第一次食，所以想問下餐點問題，姐姐都會好好解答我地既問題。☺️☺️
諗左好耐終於諗到都係要試吓佢哋既招牌系列，黑蒜濃厚山藥豚骨拉麵🍜第一啖梗係要飲吓佢個湯啦！食拉麵前要飲一飲個湯係重點！拉麵個湯底，做得好嘅話已經得分不少！湯底味道濃厚，有滿滿嘅豚骨拉麵風味，加上黑蒜油，味道相對咁濃厚，至於山藥應該係磨碎左，所以驟眼睇唔到山藥嘅蹤跡，估計應該係同湯底混合左，於是個湯底會有少少稠稠糊糊既感覺，即使唔鍾意食山藥嘅朋友，都會鍾意食呢一個稠稠的感覺（應該係，除非吾係😂）佢哋個拉麵仲可以揀叉燒嘅種類，我揀咗最普通BBQ嗰隻叉燒，就係我哋平時食拉麵最常見嗰種卷狀叉燒切片，佢哋仲有御屋同埋豚角煮，朋友揀咗御屋，其實御屋就係兩款叉燒嘅混合版，想食晒BBQ同埋豚角煮叉燒嘅話就可以揀御屋呢一款，一次可以試晒兩種滋味。
繼續講返我碗拉麵先，我揀咗幼麵，因為我覺得幼麵可以掛湯掛得多啲，食落去會更好味，下次可以嘅話可以試埋粗麵，睇吓幼麵同粗麵嘅分別。幼麵落去又話掛湯程度都唔錯👍起初我未混合晒湯上面嘅所有配料，就咁飲咗一啖湯會覺得湯底的確唔錯，但係當我混合埋上面嗰啲肉碎炸醬（？）成個湯嘅風味，頓時變得唔同咗，食落佢個味道會更加濃厚。
拉麵仲可以揀椰菜幾多少同埋青蔥份量嘅多少。個人化嘅設計拉麵配合唔同客人嘅需要的確係人性化嘅設計，溏心蛋嘅熟成度到啱啱好，食落去味道唔錯，加上流心嘅蛋黃，味道一流。
朋友揀嘅櫻花蝦味增拉麵，佢話食落去相對味道冇咁濃厚，我覺得係因為佢揀咗正常味道嘅湯底，所以相對我揀咗極濃味道嘅湯底來講會淡口少少🤏，鍾意重口味嘅朋友可以揀返極濃嘅湯底，食落去風味更佳！
小食方面，我哋叫咗兩個，一個係蟹籽沙律一個係吉列廣島蠔，蟹籽沙律嘅份量滿滿的，睇落性價比很高，味道都唔錯，蟹籽比嘅份量都幾多！吉列廣島蠔一定要熱食，趁佢啱啱上枱嘅時候食吉列廣島蠔嘅味道同埋肉汁仲保留得好好，廣島蠔嘅size份量都算大粒，唔會話炸起咗之後變到好細粒，加埋沙律醬一齊食，可以減低佢嘅油膩感。
今次買單人均100多，但係食落去好滿足，份量亦都好足夠，性價比甚高，加上店員姐姐嘅服務態度，真係值得一讚！臨走嘅時候我仲會好熱情，咁同我哋say goodbye🥰🥰感受到佢哋嘅熱情！成個用餐嘅感受好好👍
Post
