蓮．越坊 (Closed)

和朋友行完山落堅尼地城食lunch，想食得清淡D，見有越南河粉食就入左去，食完真系後悔冇睇下openrice 食評先入去 （1 7都系有原因ge）。叫左個番茄牛腩河粉，賣相其實唔錯。不過攞匙羹一bug時就知賴野喇，好鬼杰，其實我覺得湯唔系一味夠濃就叫好，加些少水會正常好多。牛腩都算唔錯，夠冧，可惜個湯底真系太過甜，以致我以為自己食緊甜品ge河粉，有啲奇怪。另外叫咗個紅咖哩薄餅，得四小片，基本上就系超市賣的$10零蚊嗰種的1/4份量，賣$38都幾貴。講真D食物質素就麻麻地，但又未至於好難食，不過個waitress的服務態度真系幾差。唔係好多人，叫左落order兩次先幫我地，仲要勁黑面，好無言。以後應該唔會再想食呢間。