金香茅泰國菜館 (Closed)

是夜到達時為晚上七時，雖然地方唔算好大，但都有數張卡位檯。入到去坐低發現店內一檯客人都冇，起初都有點擔心。不過我地兩個人未食到一半，就已經開始有客人入坐，入吓入吓就幾乎坐滿人客喇！ 生蝦刺身 --- 蝦新鮮，而個汁都夠辣。不過如果可以辣多些少會更好 菠蘿炒飯 --- 飯炒得夠乾身，好香口。 飛天通菜 --- 用豆板醬炒，而食得出啲豆板醬有陣頗濃嘅酒味，味道不錯。不過都係果句，如果可以再辣少少會更好。 燒春雞半隻 --- 呢個係Honey話一定要食 ---> 啲皮燒得好香，好嫩，一啲都唔嚡口。讚... 原本好想試吓個蚧黃咖喱飯咖，個店員話，可以試吓個蚧黃咖喱海鮮，見圖就好似係用麵包，中間開咗個窿咁放啲蚧黃咖喱海鮮落去。不過因為我地想叫啲飯麵食，所以最後都冇叫到。之後果位店員都仲笑笑口話，如果你真係想試蚧黃咖喱飯的話，不如下次於下午時間去食會比較抵。另外，是夜電視不停播出『菲律賓挾持港人事件』，店內每個食客都好關心事件發展，個個人都一路睇，一路食。但其間有一檯客人大大聲鬧個老公而影響到好多客人都聽唔到個電視講乜，果位店員好醒目咁將個電視音量較大聲。仲有，個店員絕對冇掛住睇電視而忽