Brass Spoon (Closed)

星期六12點半左右到達，排咗7-8個人喺前面，其實位係好多，但啲位無人執，等咗15分鐘先入到去。今次揀咗生熟牛肉河，因為上次食過特級牛肉無乜特別，另外加錢要咗牛筋。牛河好快送上，首先飲口湯，無乜牛味，好失望，因為排隊黎係念念不忘上次個口湯，但今次個湯好普通，唔通中環店係唔同？繼續食河，河粉非常爽口，俾出面嘅厚身啲啲，每一條亦非常整齊。生牛肉無乜特別，反而熟牛肉牛味濃，推介。牛筋好碎濕濕，但份量算多。其實樓面有成4個人，但好多枱都吉咗無人執，啲侍應要再培訓。