THE COFFEE ACADEMÏCS (朗豪坊)

Open Now

Now Closed

今日黎到朗豪坊，想搵個舒服既地方坐下飲下咖啡，本來諗係咪要出商場搵，點知轉個頭就見到角落有呢間The Coffee Academics, 位置都唔錯，就坐底試下。果然地方好清靜，坐得好舒服。 好快侍應就比我二維碼落單。 原來佢地都有唔少野食，仲有set簡，睇落幾唔錯。最後簡左個餐，有個好鮮味既雜菜蕃茄湯，想唔到有咁多料，仲有好多蕃茄片，同埋唔會太咸同酸，意外地幾好飲。小食簡左蟹肉野菜餅，炸得好靚，入面勁多餡，咬落滿滿既蟹肉，好好味。主食係軟滑蛋黃醬餛飩皮，冇諗過餛飩皮比意大利麵薄啲好味啲。 上面隻蛋開後流出黎既蛋黃醬同成碟野好夾，唔會太膩反而好啱味。最後簡左佢地呢期既globally inspired coffee, 初夏鳳梨咖啡梳打。 好香菠蘿味，菠蘿汁同啡既味道好夾，真係好值得飲。