六公館

Open Now

Now Closed

同朋友想食點心坐得好啲，就去咗尖沙咀嘅六公館。坐低茶揀咗水仙$28/位。茶味都幾香。我哋叫咗幾款點心一齊食。▶️山葵海蜇頭$128分量唔算好多，海蜇頭好爽口，前菜唔錯。▶️水晶蝦餃$78一份有三粒，蝦餃幾爽口、蝦餃皮唔會太厚。▶️魚籽燒賣$72面上有黑魚子及蝦，外皮係綠色幾精緻。燒賣熱辣辣都幾好食！▶️松露野菌餃$62黑松露味幾香，入邊有好多野菌粒粒，非常飽滿！▶️黑豚叉燒腸粉$72黑豚肉真係特別香，腸粉幾滑身。▶️脆皮蘿蔔糕$92脆皮蘿蔔糕，一件件炸得香脆！餐廳好舒服，可以望到出邊海景，慢慢嘆茶！