Video
Read full review
2008-01-14
34 views
最近看到某報章及雜誌均有全版推介，重話大家以後不須長途跋涉往九龍城亦可品嘗類似的食品。講到咁好，昨午路經順道一試，卻完全是兩碼子的事，極為失望!既標榜人家清真牛肉館之名，其招牌牛肉餅($18兩件)就真係好唔掂。首先油都未吸乾便上碟已打折扣，咪以為厚身就好抵吃，查實只是層厚皮之故。汁唔算多(唔駛怕一咬落去會濺到自己)，總覺它有啲怪味，既不是上湯亦非牛肉味。隔鄰枱的食客也有同感，比我搶先問侍應：「呢啲到底係乜餡料嚟架，咁味嘅?」再多吃幾啖，應該係混有羊肉在其中，不過侍應堅持是牛肉。至於小籠飽($20)，皮同樣過厚和乾硬。上枱時五隻中有兩隻的汁液已經流哂出來，如同吃一般的肉餃…提議勿醮黑醋，否則連那些少羊羶味也蓋過，感覺像吃一團肉丸。餐牌上標明可以選羊或雞作餡料，我初時揀了雞肉，但侍應竟答小籠飽點會有雞肉架。當我遞上餐牌給他看，他只懶洋洋地推說：印錯咗啫。咁兒戲都得嘅…其實最想吃是咖哩羊/牛腩，可惜所有咖哩仍未煲好，直至埋單(已過一時)只得咖哩羊肉供應。改叫了上海炒粗麵($30)，醬汁不足，除了椰菜外，就只有兩種菇類作配料，味道亦略嫌單調。全餐之中唯一可取只有那碗金錢肚湯麵，讚的不是牛肚(過
既標榜人家清真牛肉館之名，其招牌牛肉餅($18兩件)就真係好唔掂。首先油都未吸乾便上碟已打折扣，咪以為厚身就好抵吃，查實只是層厚皮之故。汁唔算多(唔駛怕一咬落去會濺到自己)，總覺它有啲怪味，既不是上湯亦非牛肉味。隔鄰枱的食客也有同感，比我搶先問侍應：「呢啲到底係乜餡料嚟架，咁味嘅?」再多吃幾啖，應該係混有羊肉在其中，不過侍應堅持是牛肉。
至於小籠飽($20)，皮同樣過厚和乾硬。上枱時五隻中有兩隻的汁液已經流哂出來，如同吃一般的肉餃…提議勿醮黑醋，否則連那些少羊羶味也蓋過，感覺像吃一團肉丸。餐牌上標明可以選羊或雞作餡料，我初時揀了雞肉，但侍應竟答小籠飽點會有雞肉架。當我遞上餐牌給他看，他只懶洋洋地推說：印錯咗啫。咁兒戲都得嘅…
其實最想吃是咖哩羊/牛腩，可惜所有咖哩仍未煲好，直至埋單(已過一時)只得咖哩羊肉供應。改叫了上海炒粗麵($30)，醬汁不足，除了椰菜外，就只有兩種菇類作配料，味道亦略嫌單調。全餐之中唯一可取只有那碗金錢肚湯麵，讚的不是牛肚(過稔無咬口)或麵條(死實無彈性)，而是個湯底，有用足料熬而富鮮味。
綜觀食物質素、環境、服務態度只屬一般，不去試吃也不會有任何損失。
Post
