穆斯林飯店 (Closed)

故事是這樣的，一日接到這裡的點心師傅的電郵，說希望我會去試試他們已經改善了的牛肉餅云云。那人家說明有進步，而我又試過未進步之前的樣子的，當然有興趣試一試。好就說好，差也直說，很均真的。周四晚來到，人客不多。除了牛肉餅，也要了一碗擔擔麵。麵先來，幾大碗的。麵幾腍，不爽身也沒有咬口，明顯是預早淥定，臨上檯再過熱水的。湯底不辣，麻味也不強，但加入了蝦米的，味道也不錯。總括而言，20蚊一碗，是抵食的；牛肉餅即叫即煎，製作需時。賣相是比以前不同了，吃一口，餅皮鬆軟，也帶脆口，明顯的比以前進步。牛肉餡味道也不錯，有肉汁，不過略嫌刴得太幼細了一點，失略了牛肉的口感，現在的版本，幾好吃。唯一要說的是有漏汁的問題，在包牛肉餅及在煎時下多點功夫就行了。服務不錯，而這裡還是如茶居般，是有茶供應的。埋單44蚊，果然比前有進步。

之前入面全部係上海菜今日見佢轉晒~打開餐牌全部係印度菜 (另外有得飲茶~港式)但全部都好貴 $50-70都有有張set lunch牌 $45咖哩叫左個羊肉咖哩哇!細兜到~~係西餐飲餐湯個d兜仔~裏面得幾舊羊肉味道非常普通~~大家樂應該好少少烤餅就可以~新鮮烤起熱辣辣~好香好脆不過真係估唔到咁就$45...............................

請我都吾會再去,雖然幾拾蚊吾係多,但我搵吾到理由比錢搵氣來受同啃垃圾..!以前去過D野幾好食,點知今日Lunch去到,只見點心紙(得幾樣)同雞牛羊三穎咖哩,問果阿叔要餐牌,點知佢話冇啊,宜家晏奏冇點菜,只有果D).若非約左人就走去第間!最後叫左兩穎咖哩,跟薄餅,除左薄餅好D之外,咖哩得兩三件,味同嚼蠟,唯用汁送薄餅,仲食有紙係裹面,後來見到對面秮有炒飯及其他菜,即時問番佢,佢好寸咁答我果D係咖哩餐牌,點知你要果D啊,以為你要中菜嘛),挶9氣, 以後請我都去!

4月27日，14:40到灣仔買Printer前，在好奇心驅使下，進入這店。店的門口有印巴師父做薄餅，店內百份百老餅茶樓格式。開了壺普洱，淡淡的。要了碗柴魚雞絲粥和咖哩雞肉薄餅。柴魚雞絲粥：大路貨色的鹹粥，雪雞絲配柴魚屑。咖哩雞肉薄餅：薄餅香脆不油膩，咖哩需不太辣，但勝在香濃，免治雞肉鄰為小配角。服務不錯，地方算整潔。

聽說換了大廚，牛肉餅質素猶勝從前，病病地也忍不住搭程過海車親口試試！病病地吃不得多，同不理一人一件清真牛肉餅，一客兩件即叫即煎，只賣廿個大洋，肉餅備好放在牛油紙備用，即叫即煎，上來是熱辣非常，餅皮厚了點，餅底脆．面軟熟，碟底油漬亦不算嚴重，肉餡經甜醬油調過，變得很甜，亦混了些菜甫，帶點南方風味，入口鬆軟，也吃到流汁的場面。港島區無比較，這裡也吃得過，當然要同九龍城老字號比，做不到皮僅僅包著餡的視覺效果，是差了半點。

去左好幾次，雖然不比正宗的新疆菜，但味道也是不錯。最中意食的就是水煮牛肉，可惜不夠多，每次都是意猶未盡。芝麻雞和酸辣面也是不錯。

我是新上任的點心師傅我現在看到各位食家的評語我們將會作出改善希望各位失望的食家會再來一試並可給我保貴的意見牛肉餅現在己把皮做薄汁我亦用了上湯來作引但我想說皮是不會軟軟的因為是用油煎的..所以煎出來是脆身一定是小小硬韌但現在皮己薄所以亦只脆不硬如果是軟軟的就是放太久才會出現這個現象羊肉小籠包亦會換了另一牌子的子然粉經我們廚房大廚和本人試過決定採用這個牌子的作調味還有你們說的服務員我會和經理跟進因為本人是新上任..所以不清楚上一手的做法但希望各位食家會再來試食..給我意見我會一直作資料的搜集希望你們會給我們改進還有上次加了的茶$$我明天會和經理談談..希望會由來已$4改回$2希望各位接受我們的道歉這幾天我會和老闆商量如何改善希望你們會接納改善的情況我過幾天會打上謝謝各位的意見

都不知道這店其實是想賣哪裡的菜式... 只知道老闆與傳媒的關係一定很好,要不然哪有這麼多繕稿???牌面======牛肉餅繕糊上海粗炒咖哩羊肉薄餅真面目======皮硬兼皮厚及調味失敗牛肉餅勁腥繕糊淋面的冷冰冰勁油膩上海粗炒咖哩還咖哩,羊肉還羊肉的'獨立'勁硬咖哩羊肉勁勁勁勁硬及不脆的'一小時前曾經新鮮'薄餅(沒前菜,茶不好喝.. 還敢收茶錢每位4元)不要以為有羊肉就是清真... 會開爐頭就可以開菜館... 有傳媒繕稿就會食客盈門... 我們的眼睛是雪亮的!我請願在惠記或九龍城等一個小時,也不想用半小時氣沖沖的打這個食評....

最近看到某報章及雜誌均有全版推介，重話大家以後不須長途跋涉往九龍城亦可品嘗類似的食品。講到咁好，昨午路經順道一試，卻完全是兩碼子的事，極為失望!既標榜人家清真牛肉館之名，其招牌牛肉餅($18兩件)就真係好唔掂。首先油都未吸乾便上碟已打折扣，咪以為厚身就好抵吃，查實只是層厚皮之故。汁唔算多(唔駛怕一咬落去會濺到自己)，總覺它有啲怪味，既不是上湯亦非牛肉味。隔鄰枱的食客也有同感，比我搶先問侍應：「呢啲到底係乜餡料嚟架，咁味嘅?」再多吃幾啖，應該係混有羊肉在其中，不過侍應堅持是牛肉。至於小籠飽($20)，皮同樣過厚和乾硬。上枱時五隻中有兩隻的汁液已經流哂出來，如同吃一般的肉餃…提議勿醮黑醋，否則連那些少羊羶味也蓋過，感覺像吃一團肉丸。餐牌上標明可以選羊或雞作餡料，我初時揀了雞肉，但侍應竟答小籠飽點會有雞肉架。當我遞上餐牌給他看，他只懶洋洋地推說：印錯咗啫。咁兒戲都得嘅…其實最想吃是咖哩羊/牛腩，可惜所有咖哩仍未煲好，直至埋單(已過一時)只得咖哩羊肉供應。改叫了上海炒粗麵($30)，醬汁不足，除了椰菜外，就只有兩種菇類作配料，味道亦略嫌單調。全餐之中唯一可取只有那碗金錢肚湯麵，讚的不是牛肚(過

見到樓下有食評話似上海菜多過清真菜, 其實所謂"清真"唔係等於異國風味,而係煮食過程中合乎回教教義, 所以食物可以好中式,大家去之前要睇清楚先.講返食品,佢地嘅"招牌菜"鍋貼同小籠包就唔太得,皮比較癡牙, 其他食品都可以, 但係佢d虾係就算煮熟左都依然係半透明嘅貨色.... 不過個人認為佢個燻魚同芝麻雞幾好味, 可以食下.其實佢地依家都improve左, 有curry供應, 係油d, 但係都ok好味, 不過curry chicken 有埋內臟... 本人就唔多鐘意....我諗curry beef 同curry lamb好dbtw, 如果大家去飲茶食開d 撈開豬肉嘅cheap cheap 牛肉球, 可以去食下d清真餐廳食佢地d牛肉球, 因為佢地唔落肥豬肉, 會好牛味d

在附近上班, 間中會進去吃東西, 由於我自己本身對「清真」不是很熱衷, 這裡除了羊肉小籠包及牛肉餅外, 沒有甚麼很「清真」的菜, 所以是頗滿意的。牛肉餅不錯, 羊肉小籠包蠻好吃, 午巿要個咖喱飯和同事夾份, 這樣的價錢, 算是不錯的了。

被人厄o左入去。門口又寫住係清真牛肉館，但入到去係一間有少量咖哩的京川滬菜館。我們想叫咖哩，但佢居然話冇咖哩。=_= 我們想走，點知佢話淨飲雙計，我地唯有妥協，變了食中國菜，但質素亦普通。好失望。

好啦有一日興致勃勃咁特登去打算食下清真牛肉但入面真係有清真牛肉?!個名叫"穆斯林清真牛肉館"但裝修根本係中國菜館好啦打開個餐牌話蟹! 除左幾個咖哩同牛肉餅之外全部都係上海粗炒、小籠包、擔擔麵、........整~~~其實呢間到底係咩餐廳呢?冇咁______唔好著咁大條底褲冇"清真"野唔好叫自己做清真菜館個牛肉餅仲要普通到..........

這裡的前身是廣東茶居，現在換了清真牛肉館，格局裝修，也有九成相似，至少晚上來吃，都會開壺普洱出來。一說起「清真」及「牛肉」，第一時間想起牛肉餅，另外就是咖哩。這裡以這為名，牛肉餅及各式咖哩菜色當然有，另外亦絕對沒有豬肉供應，如獅子頭就由羊肉刴成，窩貼的餡，則換上牛肉。但亦有大量的京菜如賽螃蟹、奶油津白等等，一時間，也真的搞不清楚這裡賣什麼藥。一於以不變應萬變，就要了咖哩羊及薄餅，再加牛肉餅一客。眼看牛肉餅似是即叫即製，咖哩羊先來。咖哩屬油底，不辣，不帶甜，香料味道又不算有層次，吃落有點奇怪。羊肉是羊腩及羊腿，廋的部份韌，筋的部份更韌，吃了兩件，專心等我的牛肉餅好了。要了一件薄餅來吃咖哩，又硬又韌。在這裡吃咖哩及薄餅，是對齒力及消化能力的考驗。牛肉餅一客兩件，熱辣辣的，幾有誠意。咬一口，餅皮與肉餡完全分離，肉餡份量相對較少，有肉汁，但整體來說，不算是很出色，可以更好。埋單71蚊，不想就此給「喊面」，希望這裡會越做越好。

恰巧路過, 見到此店, 樣子舖頭名都跟九龍城出名牛肉館有幾分似, 又有牛肉餅賣, 於是, 走入去一試, 發覺都可以呀, 雖然唔係好好味, 但都唔錯啦, 又唔貴份量都算足.牛肉餅- $18兩件. 睇住師傅即叫即做, 好新鮮. 皮煎得脆, 牛肉餡足肉汁都好多, 都幾好呀. 只係油少少.羊肉雲吞- 羊肉水餃見得多, 羊肉雲吞就真係未見過, 叫一客試下. 雲吞皮薄, 唔似水餃咁可以載住肉汁, 但就有啖啖肉感覺, 羊肉唔羶, 幾好啦.湯年糕- 最特別係湯底係牛肉湯, 咁樣又好似幾香wo.