Video
Read full review
2022-10-02
200 views
食過幾次座銀都係食雞白湯，今次見到呢期竟然出牛骨湯，中意食牛嘅我當然唔可以錯過啦。由於晚市限量供應5份，所以今日特登早啲食晚飯，好好彩6點15分到達嘅時候仲有。熊本A4和牛 牛骨湯拉麵雖然之前都有其他拉麵店出過以牛肉湯底作為基礎嘅拉麵，不過唔知點解都帶有清湯腩嘅影子，反而香料味比牛肉味更突出。座銀今次推出嘅牛骨湯拉麵，牛肉味發揮得淋漓盡致，完全突顯出肉味嘅濃郁，而和牛嘅油香，將成個湯底嘅味道層次昇華。雖然湯底肉味香濃，但我覺得更似一碗味道純粹嘅牛骨清底，舒服順口。和牛以切片同切粒兩種形式出現，以火炙烹調，外皮焦香，內裡鮮嫩。A4和牛嘅脂肪同紅肉比例相對平均，入口油香、肉香爆發出來。牛肉粒炙燒面積較多，比較有咬口，而切片部分可以品嘗到肉質嘅嫩滑，入口即溶。麵質方面，粗幼度適中，唔算好掛湯。不過我中意偏硬嘅口感，非常適合我，呢碗麵正正就係中間有啲夾生，口感煙韌。配菜方面，生紫洋蔥嘅微辛，有助中和湯底同和牛嘅油膩感。海鮮 雞拉麵魚介雞白湯，配菜有慢煮雞胸、豚肉、炸牛蒡。湯底比起招牌雞白湯更濃郁，以雞湯為基底，再加入魚乾蝦乾熬製而成，隱約滲出鰹魚的味道。雞胸肉多汁嫩滑，一啲都唔嚡口，豚肉個人覺
熊本A4和牛 牛骨湯拉麵
雖然之前都有其他拉麵店出過以牛肉湯底作為基礎嘅拉麵，不過唔知點解都帶有清湯腩嘅影子，反而香料味比牛肉味更突出。座銀今次推出嘅牛骨湯拉麵，牛肉味發揮得淋漓盡致，完全突顯出肉味嘅濃郁，而和牛嘅油香，將成個湯底嘅味道層次昇華。雖然湯底肉味香濃，但我覺得更似一碗味道純粹嘅牛骨清底，舒服順口。
和牛以切片同切粒兩種形式出現，以火炙烹調，外皮焦香，內裡鮮嫩。A4和牛嘅脂肪同紅肉比例相對平均，入口油香、肉香爆發出來。牛肉粒炙燒面積較多，比較有咬口，而切片部分可以品嘗到肉質嘅嫩滑，入口即溶。
麵質方面，粗幼度適中，唔算好掛湯。不過我中意偏硬嘅口感，非常適合我，呢碗麵正正就係中間有啲夾生，口感煙韌。配菜方面，生紫洋蔥嘅微辛，有助中和湯底同和牛嘅油膩感。
海鮮 雞拉麵
魚介雞白湯，配菜有慢煮雞胸、豚肉、炸牛蒡。湯底比起招牌雞白湯更濃郁，以雞湯為基底，再加入魚乾蝦乾熬製而成，隱約滲出鰹魚的味道。雞胸肉多汁嫩滑，一啲都唔嚡口，豚肉個人覺得偏瘦，如味用肥啲嘅部分會更香口。麵質與牛骨湯拉麵一樣，比較有咬口。
唐揚炸雞
因為即叫即炸，所以次次幾乎都係食完份拉麵先上，不過真係脆卜卜、熱辣辣。火喉掌握得好好，外皮香脆，肉質仍然保持鮮嫩多汁。
Post
