南翔饅頭店 (Closed)

我一直都好想試下可以用飲管嚟飲既小籠包！朋友話南翔有得食，所以我地就去食一下！佢話好多人等位，所以要有心理準備！點知一去到，果然要等成廿幾張枱！我仲諗，咁多人去食，一定唔會難食得去邊！點知-----失望！仲要係十級失望！ 蟹粉灌湯包，一個字---「聲」，仲要少蟹粉加少蟹肉！ 大家可以揀茶飲！我叫咗杯桂花烏龍！冇咩桂花味，但茶係佢地之中既最好！八蚊茶錢飲到呢種質數既茶，都算係咁啦！ 醉雞！好老實講，我一食已經立即同我朋友講我要整比佢食！連我呢個普通人都整得好食過佢十倍！佢d雞肉係梅既，仲要雪到d雞脂肪硬咗！花彫酒又太濃，帶有苦味！ 鎮江肴肉，係我食過最差既一個！肴肉應該食落好似啫喱一樣，有濃濃既念性！佢呢個，只係一舊肉！仲夠晒鹹！ 我成日都認為，酸辣湯係上海菜既靈魂！一間上海野好唔好食，一試佢個酸辣湯就知！結果當然係預期之中！料係夠，可惜豆辦醬落得唔夠！酸辣皆不是！ 三鮮粉皮已經係呢幾道餸之中最好既一個！雖然粉皮唔夠煙un，但味道都算係咁啦！ 蟹灌湯炸蝦丸！外面個層野唔知咩事，係吸油紙，張所有油都吸晒入去！一聞就一陣油益味！蝦丸唔彈牙，因為落得太多去水調味嚟縮少成本既關係！