Video
Read full review
2024-06-15
486 views
喺openrice訂座酒店自助餐，就會有5折優惠，岩岩同屋企人過嚟酒店慶祝父親節，依度好多枱，成家人嚟慶祝都安排到今次dinner buffet主題係「東南亞薈萃」，譬如有泰國、菲律賓、新加坡、馬來西亞、印尼、越南等等既野食，自己好鍾意食東南亞菜，都幾多款式，特別多甜品❄️凍海鮮有波士頓龍蝦、蜆、青口、海蝦、螺、蟹腳、鮑魚，海鮮都夠新鮮，自己就特別鍾意個鮑魚，好彈牙、爽口、入味🐟刺身有三文魚、吞拿魚、油甘魚、帆立貝、八爪魚，刺身款式都大眾化，自己就特別鍾意食個帆立貝，個size夠大同埋好新鮮，好鮮甜🥗 沙律有青木瓜沙律、日式南瓜沙律、西貢牙車快沙律、五香素雞沙律、自製沙律，沙律都有幾款幾特別，我第一次食西貢牙車快沙律，食落酸酸甜甜好開胃，平時喺出邊酒店就少見🔥熱食區方面就有好多嘢食，東南亞美食常見嘅船麵、串燒、咖喱等等全部都有，我就特別講吓自己比較喜歡嘅嘢食，菲律賓燒乳豬燒得外皮好脆，而且個肉好嫩滑，基本上一refill呢都好快冇晒；泰式燒河蝦隻蝦都幾大隻，而且好多蝦膏，肉質就係偏腍啲嗰種；泰式船麵個湯底好濃郁，我揀咗金邊粉嗍晒湯底嘅味好入味，如果鍾意食辣就推介加埋辣椒，啲辣椒好夠辣，餸
今次dinner buffet主題係「東南亞薈萃」，譬如有泰國、菲律賓、新加坡、馬來西亞、印尼、越南等等既野食，自己好鍾意食東南亞菜，都幾多款式，特別多甜品
❄️凍海鮮有波士頓龍蝦、蜆、青口、海蝦、螺、蟹腳、鮑魚，海鮮都夠新鮮，自己就特別鍾意個鮑魚，好彈牙、爽口、入味
🐟刺身有三文魚、吞拿魚、油甘魚、帆立貝、八爪魚，刺身款式都大眾化，自己就特別鍾意食個帆立貝，個size夠大同埋好新鮮，好鮮甜
🥗 沙律有青木瓜沙律、日式南瓜沙律、西貢牙車快沙律、五香素雞沙律、自製沙律，沙律都有幾款幾特別，我第一次食西貢牙車快沙律，食落酸酸甜甜好開胃，平時喺出邊酒店就少見
🔥熱食區方面就有好多嘢食，東南亞美食常見嘅船麵、串燒、咖喱等等全部都有，我就特別講吓自己比較喜歡嘅嘢食，菲律賓燒乳豬燒得外皮好脆，而且個肉好嫩滑，基本上一refill呢都好快冇晒；泰式燒河蝦隻蝦都幾大隻，而且好多蝦膏，肉質就係偏腍啲嗰種；泰式船麵個湯底好濃郁，我揀咗金邊粉嗍晒湯底嘅味好入味，如果鍾意食辣就推介加埋辣椒，啲辣椒好夠辣，餸方面都有好多選擇，我自己就落咗扎肉、蘿蔔、肥牛，味道都正常
🍨非常之多甜品，印象深刻就係不停轉雪糕機，有12款口味嘅雪糕，好多雪糕嘅口味都好特別，例如薑汁撞奶、冷萃咖啡、斑蘭等等，再可以做埋菲律賓經典甜品Halo-halo，可以加埋好多配料落去，例如甜豆、小果凍、龍眼肉，食落去好豐富
個人就覺得如果用咗優惠之後去食，性價比都好高，因為有嘅種類同款式都好多，如果同我一樣鍾意食東南亞嘢食嘅就一定啱食
Post
