The Farmhouse 咖啡廳

🇹🇭東南亞風情自助餐🌴-同friend慶祝生日 揀咗北角Hyatt呢間自助餐👭🏻 貪佢最近做緊東南亞主題 啱曬我哋口味😏 用優惠平台Storellet做埋會員 仲不時有驚喜promo 用餐環境坐得好舒服 唔會太逼 幾適合平日嚟食嘢歎下🧘🏻-🦀海鮮魚生區一入嚟就見到海鮮區 蟹腳蝦青口大蜆都有呀🦪 首先緊係要攞一碟我最愛嘅蟹腳😘 大大隻啖啖肉又唔會太鹹 真係唔錯喎👍🏻 另外我都推薦蜆 脹卜卜幾新鮮⛵ 配合返東南亞主題點埋個泰式酸辣汁 夠曬開胃🤤-🥩熟食區行到最入就係熟食區 最大嘅特式就係船麵corner😳 可以即時淥麵然後夾配料 肥牛貢丸蘿蔔仲有炸豬皮 都幾得意😍 串燒corner大推豬頸肉 做到有炭燒嘅香味🔥 另外仲有雞油飯可以自制迷你海南雞飯㖭😗-🧁甜品區最吸引我嘅係有近10款嘅雪糕選擇🥳 特式味道例如有薑汁撞奶班蘭泰奶等等😉 薑汁撞奶真係食到薑味有啲驚喜 最鍾意班蘭夠香唔會太甜🍦 另外都有芒果糯米飯班蘭椰絲卷等等🫡-🦐限定區 憑券可以去攞每人限定一份嘅食物 當日係大蝦粉絲煲🦐 我哋咁啱坐喺限定區附近 一路聞住即炒嘅粉絲煲真係好香🥹 食落香口有鑊氣 將成餐嘅東南亞泰式風情拉到極致🕺🏻