Video
Read full review
2024-02-07
196 views
Weekend同屋企人入咗東涌，lunch time搵緊食乜好時，就見呢間餐廳有一人lunch set，好少可見中菜館有lunch set，咁就試吓佢的lunch set同北京填鴨😋午市套餐 $138一個lunch set有湯有飯有前菜有蔬菜有甜品，仲要唔係貴，性價比都真係幾高～金湯海皇羮質地濃稠，潷起見到有很多蝦粒同帶子粒，上湯應該用海鮮熬，有飲到海鮮的鮮味，都唔錯😙濃湯什錦泡飯老實講我覺得個泡飯湯底同海皇羮有d似🤣泡飯好軟腍，吸收哂湯底的味道，湯裡面仲有d翠肉瓜粒同菇粒，一齊食好有咬口，好好食。三色雲耳涼拌雜菇，雲耳好爽口，仲有其他唔係好認識的菇菇，有少少辣辣哋，都幾惹味。白灼時蔬白烚娃娃菜，無乜太特別。薑汁小桃膠有好多好甜的紅棗，桃膠大粒但份量唔多，但整體而言都係碗好正的糖水。羲和馳名烤鴨(半隻) $238招牌北京填鴨真係好正😆一開始就分開上咗三個部位，分別係鴨頭鴨皮，鴨胸同鴨腿。鴨皮酥脆，油脂香到不得了。鴨胸結實有彈性，肉味濃郁。鴨腿半肥瘦，油香同肉味一齊發揮。三個部分都各有特色，我真係食咗份好正的鴨鴨😚跟烤鴨一齊上的配菜拼盤都好出色，單係賣相都已經好吸引🤩拼盤除咗餅皮之外，有
Weekend同屋企人入咗東涌，lunch time搵緊食乜好時，就見呢間餐廳有一人lunch set，好少可見中菜館有lunch set，咁就試吓佢的lunch set同北京填鴨😋
午市套餐 $138
一個lunch set有湯有飯有前菜有蔬菜有甜品，仲要唔係貴，性價比都真係幾高～
金湯海皇羮
質地濃稠，潷起見到有很多蝦粒同帶子粒，上湯應該用海鮮熬，有飲到海鮮的鮮味，都唔錯😙
濃湯什錦泡飯
老實講我覺得個泡飯湯底同海皇羮有d似🤣泡飯好軟腍，吸收哂湯底的味道，湯裡面仲有d翠肉瓜粒同菇粒，一齊食好有咬口，好好食。
三色雲耳
涼拌雜菇，雲耳好爽口，仲有其他唔係好認識的菇菇，有少少辣辣哋，都幾惹味。
白灼時蔬
白烚娃娃菜，無乜太特別。
薑汁小桃膠
有好多好甜的紅棗，桃膠大粒但份量唔多，但整體而言都係碗好正的糖水。
羲和馳名烤鴨(半隻) $238
招牌北京填鴨真係好正😆一開始就分開上咗三個部位，分別係鴨頭鴨皮，鴨胸同鴨腿。鴨皮酥脆，油脂香到不得了。鴨胸結實有彈性，肉味濃郁。鴨腿半肥瘦，油香同肉味一齊發揮。三個部分都各有特色，我真係食咗份好正的鴨鴨😚
跟烤鴨一齊上的配菜拼盤都好出色，單係賣相都已經好吸引🤩拼盤除咗餅皮之外，有青瓜、蔥絲、山楂條同爆炸糖。醬有甜麵醬、黃芥末醬、藍莓醬。北京填鴨平時食唔少，真係呢間先有咁多配料同醬。鴨+甜麵醬+青瓜+蔥絲係最基本的配搭，鴨+黃芥末醬都好好食，最驚喜係鴨+藍莓醬+爆炸糖，呢個組合的甜味反而突出咗鴨的鴨香，爆炸糖又一直係度炸炸炸，味道同口感都好特別😆
金銀蛋浸萵苣 $88
萵苣非常爽口，食落嗦嗦聲，真係想知點煮先會咁爽脆。最欣賞佢削到一條條幼身，好似食麵咁款😆上湯味道唔錯，皮蛋食落好香，唔覺唔覺就清哂成碟😝
羲和小館 (東涌)
東涌達東路20號東薈城名店倉4樓417號舖
*上述文章只供參考及以當時價格為準
Post
