Mint & Basil (海堤灣畔)

Open Now

Now Closed

成日去東涌Outlet，大部分人都會選擇留喺商場入面食嘢，但原來 Outlet旁邊嘅海堤灣畔 其實有好多隱世餐廳選擇！只需喺 UNIQLO旁邊嘅門口行幾分鐘就到，非常方便～今次我哋就試咗海堤灣畔呢間泰國菜餐廳，環境好舒適，除咗室內座位，仲有戶外位置，配埋暖爐同氣氛燈，感覺超有情調，無論係日間定晚餐都好適合～✨Phanaeng Goong 紅咖喱檳榔葉燒蝦 🍤絕對係今餐既主角，紅咖喱醬汁濃郁但係唔辣既，主要係香甜既味道，蝦肉質地鮮嫩彈牙而且仲有好多隻。剩低既咖喱醬用黎餸飯好正😌Peak Gai Tord 香茅炸雞翼 🍗炸雞翼外脆內嫩，炸得唔算好唔油膩，點埋泰式辣醬好有風味Tom Yum Prawn 冬蔭功湯 🍲而家天氣凍，點冬蔭功湯真係岩哂！湯底酸辣開胃，香茅味突出，仲有兩大隻蝦，飲完暖笠笠Malaijan Morning Glory 馬拉盞通菜 🥬炒通菜用上濃郁嘅馬拉盞調味，有少少辣，鹹香惹味 下次再嚟東涌Outlet，唔使局限喺商場入面食嘢，可以嚟呢度試下泰國菜，絕對值得推薦！❤️🍤🥘