Burgeroom (Fashion Walk)

Open Now

Now Closed

同朋友係銅鑼灣玩到夜晚十點幾，但就未食晚飯，好多食肆都已經閂曬門，咁就上網搵一搵睇下有咩好食。見burgeroom 開到好夜，又有咁多正評，所以就黎試下。行到百德新街轉入黎，已經見到burgeroom, 因為佢地店外面亦都有座位，好搶眼，個感覺好岩一大班人傾計，食下野既地方。好彩夜晚十點幾已經唔洗排隊，咁我地因為覺得外面好熱，所以選擇左坐室內。其實各種類既漢堡都有，應該迎合曬好多人既口味，而且Menu 內竟然有鵝肝漢堡，但我同朋友都無乜興趣，所以就點左蜜糖芥末煙肉牛肉漢堡同埋牛油果醬芝士牛肉漢堡。Burgeroom 係需要自己出去買餐，然後等人送餐既。蜜糖芥末煙肉牛肉漢堡呢個漢堡非常惹味！由於好大個，一口係咬唔曬。而且佢既醬係勁多，勁岩我呢d 鍾意重口味既人。佢塊牛肉好厚，呢個新包值得推薦。牛油果醬芝士牛肉漢堡個人覺得牛油果醬味道唔算太出，俾芝士味同牛肉味搶曬。蜜桃冰茶不過不失總結，會同朋友再黎，因為環境同食物水準都算水準之上。