WM Café & Bar (啟岸)

Open Now

Now Closed

啟岸一帶帶好好多食店，由廉價至高尚感滿滿嘅食店都有，原來都會有性價比高又舒適嘅食店，今次同朋友上左二樓，搵到呢間好舒適嘅食店，可以坐下飲杯野食個飯傾下計呢。焗法國黃油雞拌毛豆蓉配牛肝菌汁呢個有啲意外驚喜，黃油雞啖啖肉，咬開亦有肉汁，雞嘅脂肪唔會過多同肉嘅口感加埋一齊係非常之嫩滑，最鍾意除咗係雞之外，亦都好細心配搭有毛豆蓉，令到呢款菜式營養均衡。龍蝦意米飯拌意式龍蝦泡泡嘩，呢個薏米粉非常之好味，飯嘅軟硬度適中，我本身好怕意大利飯會好硬，但係呢一個口感非常好，又咬口之餘，又唔會覺得唔熟。龍蝦汁拌飯非常之好味，甜甜嘅龍蝦汁充滿住每一啖飯，而龍蝦肉都煮得，剛剛好，唔會過熟，入口鮮甜😘一蚊生啤最開心一定係呢一個優惠，應該係限定優惠，做緊只要正價食品，加一蚊可以有一杯生啤，黎呢度坐就梗係想一邊飲杯嘢一邊傾吓偈，做呢個優惠就可以滿足到我哋慢慢坐低享呢個環境喇😊😊。