Video
Read full review
2021-04-24
101 views
太耐冇去過日本，所以忍唔住要喺香港食返啲高質素嘅omakase 彌補一下自己。鮨燐位於尖沙咀，都算方便，一入商場上一層樓就已經到達啦，餐廳內部好乾淨，座位同座位之間用木板隔住。餐廳共有三款Omakase ，我哋叫咗中價位嘅set首先係前菜，從左至右分別係宮崎水果蕃茄，白梅貝海螺同松葉蟹肉。水果蕃茄酸酸甜甜，食落特別清爽開胃，而處理海螺時，師傅用汁浸左兩日所以連內臟食得，即係我哋平時會搣咗佢揼咗嗰部位，識落有少少似豬潤嘅口感，最後松葉蟹肉好鮮甜，加上沖繩先有嘅水雲，水雲本身係冇味嘅所以唔會遮擋蟹肉嘅味道。跟住就係七款刺身左下係鮫蝶魚，師傅將魚肉薄切後，包住火灸過嘅魚邊，姐係游水肌肉部位，再加上葱花，咬落非常香魚油。右下係九州長崎縣小長井蠔，上面舖上土多醋啫喱 ，再掃上柚子皮，蠔肉大隻，肉質飽滿爽脆，而且鮮甜。另外係四國針魚，肉質彈牙，因為魚肉本身係冇乜味道，所以要加上薑蔥豉油去調味。上方係太刀魚，亦姐係牙帶魚，平時係香港啲牙帶魚撈上泥，好多時都會因為啲魚嘅牙刮到其他魚嘅魚肉，而影響肉質同口感，仲好容易有腥味發出，而依度嘅牙帶魚係由日本人手釣上泥，所以避免左呢一種情況嘅出現，師傅喺調味果方
鮨燐位於尖沙咀，都算方便，一入商場上一層樓就已經到達啦，餐廳內部好乾淨，座位同座位之間用木板隔住。
餐廳共有三款Omakase ，我哋叫咗中價位嘅set
首先係前菜，從左至右分別係宮崎水果蕃茄，白梅貝海螺同松葉蟹肉。水果蕃茄酸酸甜甜，食落特別清爽開胃，而處理海螺時，師傅用汁浸左兩日所以連內臟食得，即係我哋平時會搣咗佢揼咗嗰部位，識落有少少似豬潤嘅口感，最後松葉蟹肉好鮮甜，加上沖繩先有嘅水雲，水雲本身係冇味嘅所以唔會遮擋蟹肉嘅味道。
跟住就係七款刺身
左下係鮫蝶魚，師傅將魚肉薄切後，包住火灸過嘅魚邊，姐係游水肌肉部位，再加上葱花，咬落非常香魚油。
右下係九州長崎縣小長井蠔，上面舖上土多醋啫喱 ，再掃上柚子皮，蠔肉大隻，肉質飽滿爽脆，而且鮮甜。
另外係四國針魚，肉質彈牙，因為魚肉本身係冇乜味道，所以要加上薑蔥豉油去調味。
上方係太刀魚，亦姐係牙帶魚，平時係香港啲牙帶魚撈上泥，好多時都會因為啲魚嘅牙刮到其他魚嘅魚肉，而影響肉質同口感，仲好容易有腥味發出，而依度嘅牙帶魚係由日本人手釣上泥，所以避免左呢一種情況嘅出現，師傅喺調味果方面加左柚子同胡椒，而魚嘅外皮火炙過，所以魚油嘅味道完全散發晒出嚟。
左下係螢光魷魚，師傅佢燒過所以零舍香，小碗裝住係小貝柱配土多醋啫喱，貝柱嘅肉質好爽口，咬落係有一絲絲一條條嘅感覺。
右下係中拖羅，師傅加上岩鹽同紫蘇葉中和個油膩口感，其實平時好怕食紫蘇葉，覺得個味道好怪，但係今次嘅配搭又覺得冇問題，而依度嘅紫蘇葉亦都比外面食過嘅比較乾身同脆。
大拖羅，師傅揀咗用條魚額頭皺眉頭位置，因為呢度個位係最有魚味，而且又肥美多筋，要知道一條魚得兩塊，所以呢個部位係好矜貴，師傅燒過之後好多油咇左出嚟，非常肥美。
熟食太刀魚配山楂汁，刺身同熟悉嘅口感又係唔同嘅，魚肉非常之嫩滑，配上酸甜嘅山楂汁，非常甜美。
跟住就到六款壽司
北寄貝壽司，新鮮嘅北寄貝先會係藍色，自從之前試過一次之後，就在冇食過紅色嘅北寄貝，今次又可以再食返，口感真係冇得比較，真係會特別有彈性同埋肉質係新鮮嘅，師傅喺飯同魚中間加上柚子皮。
深海池魚壽司，魚味非常濃，而且肉質比較實。
大拖羅壽司，師傅去左筋所以得返嘅全部都係魚肉，好肥美口感會滑好多，直情有入口即化嘅感覺。
馬糞海膽壽司，係馬糞海膽嘅其中一種，但比較稀有，開十隻海膽只有兩隻係咁，口感比較實，無咁水同無咁creamy，但食到海膽一粒粒嘅口感，食完好唔捨得吞落去。
小肌魚壽司，小肌魚係江户前時期第一次用泥做壽司嘅材料，師傅將魚肉綁埋一齊，除咗視覺上更加好睇之外，咬落亦都更有層次感，另外加左鹽、醋、紫蘇葉同薑。
最後一款壽司係岩先大拖羅嘅筋，加左葱，比起帶拖羅佢更加入口即融，直情係唔使咬就咁放咗入口已經融化咗嘅感覺。
愛侶魚魚骨熬嘅清湯，非常清甜，食完咁多壽司之後中和返個口感。
最後係自家製甜品抹茶奶凍，上面係黑豆，食落好甜但唔係嗰種死甜嘅感覺，食完會覺得口乾，奶凍非常滑，而綠茶味亦都好濃。
呢餐真係非常好食，雖然去唔到日本但係都可以食到日本嘅新鮮食材，餐廳嘅服務都非常好，有一種一對一嘅服務感覺，茶杯嘅水永遠都會為你添上，連我唔小心的左滴豉油喺枱面度，都即時有人發現上前幫我買走，佢哋真係好細心。
Post
