鮮入圍煮花膠雞海鮮火鍋

Open Now

Now Closed

今晚收工同老婆去尖沙咀厚福街打邊爐，店內裝修有8-90年代大排檔feel，仲有個大魚缸載滿好多不同種類生猛海鮮🤤。好，揀左個店員大力推介的濃厚雞煲花膠湯底。湯底上枱，已聞到好香雞湯味，就咁睇個湯都知超級濃🤤，未開始打邊爐，先飲返碗湯先😋，超級好味，又濃又香，仲有入晒味的雞髀滑脫脫，仲有大大塊花膠🤣，只係個湯底我已經好滿足🤤。再來打邊爐又點少得肥牛呢，這個肥牛油脂分布超靚，而且切得都比較厚，平時打邊爐食牛就多數混醬，不過而家有極濃雞湯，就咁烚吓已經好夠味👍🏻👍🏻，厚切肥牛仲好有咬口，正😋。所以打邊爐，個湯底係幾重要👍🏻👍🏻👍🏻。下次一定再來🫡。