Video
Read full review
2024-07-09
4659 views
我未曾試過喺呢度寫食評，我嘅第一次就獻咗俾呢間餐廳本身都喺社交平台度見到有人推介呢間餐廳，喺得海港城，諗住都唔會太差，點知覺得俾人搵苯！首先呢一間餐廳嘅電話永遠係冇人聽，飛去留言信箱，個信箱係爆左既，最後我喺佢社交平台度見到佢哋嘅網址有得online booking 先book 到。本身就係見到佢哋嘅package覺得幾抵先會選擇佢地，我揀左$598+$108 任食蠔，限時兩個鐘。佢哋無論係餐湯，前菜，定係主菜味道都失控，勁咸，我完全冇諗過食一個凱撒沙律係可以咸到食唔到！🤯餐湯完全咸到飲唔落口。兩款牛嚟到，賣相極差，就算係仼食，講緊我係俾呢個價錢，我真係冇諗過係好似我喺樓下茶餐廳食既牛咁，係無質素可言！虎蝦又燶，食咗一次完全唔想再叫第二次。鵝肝可接受。唯獨是啲蠔係值得再食，但佢所謂有三款唔同嘅蠔，係冇得揀，而我都唔知食嘅係邊一款，佢無介紹既。七百幾蚊，我淨係食佢幾隻蠔嗎？而且佢哋根本就唔夠人手，所以落單又慢，上菜又慢，又無人收嘢，堆到成枱都係嘢，我仲要比加一服務費！根本就無能力做呢個模式就好心唔好做。我本身係想同我先生慶祝生日，入座前問可唔可以喺甜品上面寫happy birthday，
本身都喺社交平台度見到有人推介呢間餐廳，喺得海港城，諗住都唔會太差，點知覺得俾人搵苯！
首先呢一間餐廳嘅電話永遠係冇人聽，飛去留言信箱，個信箱係爆左既，最後我喺佢社交平台度見到佢哋嘅網址有得online booking 先book 到。
本身就係見到佢哋嘅package覺得幾抵先會選擇佢地，我揀左$598+$108 任食蠔，限時兩個鐘。佢哋無論係餐湯，前菜，定係主菜味道都失控，勁咸，我完全冇諗過食一個凱撒沙律係可以咸到食唔到！🤯餐湯完全咸到飲唔落口。兩款牛嚟到，賣相極差，就算係仼食，講緊我係俾呢個價錢，我真係冇諗過係好似我喺樓下茶餐廳食既牛咁，係無質素可言！虎蝦又燶，食咗一次完全唔想再叫第二次。鵝肝可接受。
唯獨是啲蠔係值得再食，但佢所謂有三款唔同嘅蠔，係冇得揀，而我都唔知食嘅係邊一款，佢無介紹既。七百幾蚊，我淨係食佢幾隻蠔嗎？
而且佢哋根本就唔夠人手，所以落單又慢，上菜又慢，又無人收嘢，堆到成枱都係嘢，我仲要比加一服務費！根本就無能力做呢個模式就好心唔好做。
我本身係想同我先生慶祝生日，入座前問可唔可以喺甜品上面寫happy birthday，staff同我講唔可以，因為太急，然後我就見到另一枱客，同一樣係生日蛋糕，就有寫字，我之後都有問點解其他人就有？不過最後都係冇答案，我都冇追問了！
比呢個價錢，我去酒店食自助餐仲無咁谷氣😤選擇又多，唔使淨係揀嗰幾樣嘢食，樣樣都難食，根本就唔洗食！怪就怪我冇做好功課，信咗啲廣告😩
Post