S2 鐵板燒 (Closed)

本以為有4百幾個讚，點都唔會差得去邊，結果失望到極點。鐵板燒晚市套餐平均每人HK$700左右，老實講，以晚市鐵板燒餐來講，价錢係好實惠，生意難做要將貨就價都理解，但我認為由前菜到最後甜品加起來可以話＄300都唔值。首先前菜嘅凍蕃茄和刺身，入口已知是從雪櫃雪咗好耐攞出嚟嘅口感，食一啖已經唔想再食，螺肉伴青瓜，一D鲜味都冇，只有黑胡椒味，肉質堅靱，咬到牙都軟。羊扒好似羊肉乾，我先生食嘅牛肉粒，D渣吐出嚟差不多有一半，墊底嘅方包係完全冇整熱，好似就咁係袋度攞出嚟。惟一要讚嘅係件鵝肝，好厚好大件，其餘都不值一提。