蝦魂

Open Now

Now Closed

已經食過幾次，次次影完相都唔記得寫食評。今次個麵跟埋一少碟前菜，係麻油海帶絲，都唔錯。個蠔湯勁香蠔味，真係想叫多湯飲多啲。有兩隻廣島蠔，一塊豬腩肉，3隻好細隻既蜆，半隻温泉蛋，兩塊紫菜，有啲海帶同竹筍。麵係中麵，硬度適中，不過我鐘意幼麵多啲。塊豬腩肉炙燒過唔會覺得好肥膩，厚度都適中。另外加左$2要個辣蝦醬，勁香勁濃蝦味，不過會食到少少蝦殼。不過因為個蠔湯太香，加左辣蝦醬會俾蝦味蓋過左，好似嘥咗個湯。同埋有一啖仔蛋糕做甜品。