Video
Read full review
2022-10-11
680 views
流水充滿禪意🇯🇵內建魚池鮮魚料🦐海膽花雕牡丹蝦！-店內環境充滿禪意，佈滿竹林盆裁，仲有魚池養住鮮魚料，一陣陣流水聲，去咗京都嘅隱世料理咁，記得拉到最右睇睇環境圖。而且位置非常隱蔽，入口有如中環Hidden Bar，開業一年Openrice都冇太多評價，低調得黎又高質素。🎍順帶一提，只要其中一位係9月/10月生日，全單就會有88折，記得拉埋壽星過黎日本一轉。-🎋盛 (20品 $1680)一共20品，包括前菜、刺身、壽司、季節燒物/煮物、吸物、甜品/水果，而午市Omakase就係$880，發辦菜式會有唔同。🥢灯台粒貝、白粟米、鮟康魚肝先上3道前菜，灯台粒貝厚肉爽甜，而鮟康魚肝非常驚喜，嫩滑而又甘香濃郁，果然被譽為海中鵝肝。🥢茶碗蒸 (三文魚籽、鮟康魚肝、蝦米冬菇）非常鮮甜嘅茶碗蒸，除咗以上足料材料，其中又加入海苔，提鮮之餘口感豐富。-🦪刺身：🥢仙鳳趾真蠔田中最愛日本生蠔之一，外形飽滿滑嫩，睇到已經想一啖吞入， 加入橘子啫喱，更突顯濃郁蠔香。🥢海膽花雕牡丹蝦本身已經濃郁嘅牡丹蝦，用花雕醃上一晚，再配上鮮海膽醬，入口鮮味爆發，帶有陣陣花雕甜香，當晚最難忘之一。🥢灸燒中拖羅、赤身、紫蘇葉肥美灸燒
-
店內環境充滿禪意，佈滿竹林盆裁，仲有魚池養住鮮魚料，一陣陣流水聲，去咗京都嘅隱世料理咁，記得拉到最右睇睇環境圖。
而且位置非常隱蔽，入口有如中環Hidden Bar，開業一年Openrice都冇太多評價，低調得黎又高質素。
🎍順帶一提，只要其中一位係9月/10月生日，全單就會有88折，記得拉埋壽星過黎日本一轉。
-
🎋盛 (20品 $1680)
一共20品，包括前菜、刺身、壽司、季節燒物/煮物、吸物、甜品/水果，而午市Omakase就係$880，發辦菜式會有唔同。
🥢灯台粒貝、白粟米、鮟康魚肝
先上3道前菜，灯台粒貝厚肉爽甜，而鮟康魚肝非常驚喜，嫩滑而又甘香濃郁，果然被譽為海中鵝肝。
🥢茶碗蒸 (三文魚籽、鮟康魚肝、蝦米冬菇）
非常鮮甜嘅茶碗蒸，除咗以上足料材料，其中又加入海苔，提鮮之餘口感豐富。
-
🦪刺身：
🥢仙鳳趾真蠔
田中最愛日本生蠔之一，外形飽滿滑嫩，睇到已經想一啖吞入， 加入橘子啫喱，更突顯濃郁蠔香。
🥢海膽花雕牡丹蝦
本身已經濃郁嘅牡丹蝦，用花雕醃上一晚，再配上鮮海膽醬，入口鮮味爆發，帶有陣陣花雕甜香，當晚最難忘之一。
🥢灸燒中拖羅、赤身、紫蘇葉
肥美灸燒中拖羅，同赤身刺身夾住紫蘇葉，一熱一冷，脂香滿滿之餘，又不失吞拿魚肉感鮮香。
🥢鰯魚磯邊卷
鰯魚亦即係沙甸魚，多片刺身捲成磯邊卷，外形精緻又手工細膩，魚味非常濃郁，同樣令人難忘。
🥢北海道鮫鰈魚 捲上裙邊芽蔥 配紫蘇花
🥢白象拔蚌
🥢煙燻春魚 配酸汁
-
🥘季節燒物/煮物：
🥢青邊鮑魚 鮑肝醬
原隻切片，汁煮醃得非常入味，口感軟腍，配上濃郁鮑肝醬，更突顯鮑魚鮮味。
🥢火焰榮螺
上枱點火，絕對打卡之作，滾起殻內肉汁同醬油，非常驚喜。
-
🍣壽司：
🥢北海道根室馬糞海膽
疊得滿滿嘅馬糞海膽，唔留手地足料，極為鮮甜濃郁，紫菜又非常香脆，外脆內嫩，非常滿足。
🥢石垣貝
值得一提，店內內建水池，養住部份鮮魚料例如貝類，就如呢粒石垣貝，師傅拍打後一直跳動，非常新鮮。
🥢島根縣 池魚卷
肥美池魚切粒，混上彩膳芝麻，疊得又高又滿，魚油脂香之餘，帶有芝麻脆香。
🥢地金目鯛
🥢黑鯥
🥢中拖羅
🥢吸物
🥢日本季節水果
-
而以上菜式田中不按次序，每次刺身壽司比例亦都可能會唔同。總括而言，除咗和風環境格調特別，每款料理都驚喜滿滿！
Post
