樂天客棧 (Closed)

同友人去完奧海城，大家都對樂天客棧有意思，所以就到這裡食晚飯。蒜香紅海蜇頭:$88海蜇不但爽滑，而且用上了大量的酸醋，所以食落酸酸甜甜，作為前菜絕對係必叫之選。天麻藥膳豬肚湯：$148用上唔同中藥煲製而成的豬肚湯，入口不但有大量天麻的香味，而且還有其他藥材，絕對係經常頭痛的朋友必叫之湯，加上豬肚爽滑，十分有咬口，亦都唔會太硬。菜香鐵板豆腐：$88把豆腐放上鐵板之上，再係上面淋一層肉碎醬汁，令到豆腐吸收晒醬汁，不但清而香，而且一軟一硬，實在係送飯之選。最後，這店菜式十分吸引，餐牌每款菜式都想試，所以係一間會再食的店鋪。