樂天客棧 (Closed)

一坐低，店員為我地送上一客小吃 - 栗子花生，栗子好甜，花生夠腍，不過我個人鐘意食脆卜卜既花生多D。馬來風光 (S)   $72有D似腐乳炒通菜，不過辣味更加出，而且好夠鑊氣，好香好惹味。就咁食定係送飯都一流。喇沙湯海鮮米線   $68呢到竟然有喇沙供應，揀左海鮮喇沙。開頭其實抱住不大希望試下，因為諗住唔係主打呢一類食品既店會無咁好味。點知一上枱，就已經飄黎陣陣既喇沙味。濃郁椰香加點辣味，米線又唔會太淋，真係好正得香酥南乳五花肉   $83不過不失，唔知係唔係用左豬頸肉部位，有D爽口，但係就唔係好食到南乳味。招牌扣肉包   $20/片鬆軟既中式包，加上肥瘦均衡既扣肉，仲有一片小生菜。上枱既時候係分開，當你需要食既時候再自己包，咁就唔驚扣肉既肉汁令到包變淋。扣肉肥而不腻，加上包有陣甜味，2者既組合真係非常夾，完全無可挑剔。