部屋咖啡室

放左工鬆一鬆，所以約左朋友黎旺角行陣街再食埋DINNER。平時都係食街鋪多，今晚轉下口味上樓上鋪開餐。呢度格局似PARTY ROOM多過餐廳，人客可以邊食邊玩BOARDGAME放鬆一番。三文魚意粉。份量好好大份，兩三個朋友SHARE就啱啱好。意粉煮得乾身彈唔會水汪汪，味道都唔錯奶香味十足。雖然煙三文魚幫到調味，但再咸返少少會更好。自家製手工漢堡。漢堡好足料同好夠黑椒味，配上蕃茄洋蔥生菜整體配搭得唔錯，食落濕潤唔會因為個包而吸走晒啲水份。薯塊炸得香脆，灑上椒鹽後更加惹味。永遠都係漢堡包嘅最佳伴侶。蜜糖雞翼。即炸雞翼熱辣辣又乾，入味之餘唔會好油膩，雖然蜜糖係最後先加上去但無阻佢幾好食嘅事實。芝士西蘭花。呢個就中規中距咁啦，西蘭花覆蓋住咸香芝士味道唔錯，但就因為焗完奶油太水，唔夠杰身有啲可惜。豆腐芝士蛋糕。質地幾軟滑豆香味好濃郁，同埋係屬於微甜口味，食完一餐落黎都唔會咁重負擔。配上紅棗茶慢慢嘆，啱啱好。紅棗茶／黑森林MOCHA。紅棗茶好香沖調得較淡，適合食甜品時慢慢嘆。MOCHA都夠大杯，等球雪糕半溶於朱古大時再飲會好啲，否則難啲攪拌。餐廳分開左右兩邊，感覺上偏廳更加寧靜比較適合二三朋友慢慢