Video
Read full review
2023-09-02
41 views
趁着打風，第二日放風假，大家都即刻出個夜街，我都唔例外，即刻搵間餐廳食吓嘢，同個friend傾吓心事先。臨急臨忙，搵咗呢間，喺油麻地樓上開嘅Cafe。入到去好青春，全部都係後生世女，喺度聚埋一齊玩board game😊。⭐️西西里pizza呢度嘅全部pizza，都係佢哋自己手拉既，食落個Pizza底都幾薄，唔會話食到太飽，條Pizza邊都幾脆幾香口。餡料都好多，有辣肉腸，蘑菇，同好多火箭菜同芝士。我哋兩個女仔都可以食晒成個😊⭐️烤雞蘑菇闊條麵我覺得首先個忌廉汁係好食，個闊條麵軟硬都好適中，係我喜歡嘅硬度，而忌廉汁都幾掛汁，但又做到幾乾身。佢仲加咗啲洋蔥，同青椒，令我覺得個味道冇咁漏，整體嚟講我係相當滿意👍🏻👍🏻。⭐️芝士西蘭花我其實係好鍾意食同西蘭花有關嘅嘢😂😂，細個係好鍾意食芝士西蘭花，但依家出邊又好少見有得嗌，所以一見到就好想嗌！其實佢都好好食，因為係勁多忌廉芝士，浸住一盤西蘭花😂，你係可以將個西蘭花碌到成個都有忌廉芝士包住😂😂，我自己覺得勁正！⭐️蜜糖雞翼呢個都係另一個好加分嘅item，因為佢個蜜糖味都幾突出，連入邊啲肉都醃得好好食，唔會剩係得個皮有蜜糖味😊，都幾似我哋出去BBQ嗰個味道
臨急臨忙，搵咗呢間，喺油麻地樓上開嘅Cafe。入到去好青春，全部都係後生世女，喺度聚埋一齊玩board game😊。
⭐️西西里pizza
呢度嘅全部pizza，都係佢哋自己手拉既，食落個Pizza底都幾薄，唔會話食到太飽，條Pizza邊都幾脆幾香口。餡料都好多，有辣肉腸，蘑菇，同好多火箭菜同芝士。我哋兩個女仔都可以食晒成個😊
⭐️烤雞蘑菇闊條麵
我覺得首先個忌廉汁係好食，個闊條麵軟硬都好適中，係我喜歡嘅硬度，而忌廉汁都幾掛汁，但又做到幾乾身。佢仲加咗啲洋蔥，同青椒，令我覺得個味道冇咁漏，整體嚟講我係相當滿意👍🏻👍🏻。
⭐️芝士西蘭花
我其實係好鍾意食同西蘭花有關嘅嘢😂😂，細個係好鍾意食芝士西蘭花，但依家出邊又好少見有得嗌，所以一見到就好想嗌！其實佢都好好食，因為係勁多忌廉芝士，浸住一盤西蘭花😂，你係可以將個西蘭花碌到成個都有忌廉芝士包住😂😂，我自己覺得勁正！
⭐️蜜糖雞翼
呢個都係另一個好加分嘅item，因為佢個蜜糖味都幾突出，連入邊啲肉都醃得好好食，唔會剩係得個皮有蜜糖味😊，都幾似我哋出去BBQ嗰個味道，所以呢個我都好喜歡。
⭐️手沖冰波奶茶
本身佢支奶茶都已經係幾濃郁，幾好味。再加上佢粒冰都係用奶茶雪既，成件事就再完整啲。唔會飲到半路，就俾啲冰溝淡咗個味，而係你會一路飲一路都係keep住咁濃郁，如果係奶茶愛好者嘅話，我覺得呢個好值得叫。❤️
整體上嚟講，我都好滿意呢間咖啡室，啲嘢好食，啲嘢好飲，一班人上嚟聚下，又可以傾吓偈，又或者玩下board game。
另外，佢仲有一大個櫃俾你揀遊戲來玩，如果想消磨時間呢度都係個幾唔錯嘅選擇。👍🏻👍🏻
Post
