갈비궁 Galbi Gung

Open Now

Now Closed

🌸棉花糖木槿花和牛壽喜燒好特別！棉花糖放喺鍋入面，店員會倒入壽喜燒汁，見住棉花糖開始融化，視覺效果一流！和牛油花分佈好均勻，食落口肉質嫩滑，油脂豐富，入口即溶，配埋日本蛋，牛肉嘅質感更加嫩滑呢！🌸慶州黑毛豬盛合配生菜 (水果醬油)擺盤幾靚，樣樣有齊！包括有豬梅肉、豬五花肉、豬皮、豬腸！我最鍾意就係豬五花肉，燒烤後變得好脆口，又唔會好肥膩，油脂豐富，配埋水果醬油做調味，但有少少香甜！如果夾埋生菜一齊食，口感會更加豐富，好味🌸水果醬油雞頸肉，平時好少可食到雞頸肉，都幾特別！燒烤後嘅雞頸肉肉質較為緊實，具彈性口感十足，配埋水果醬油一齊食，好夾！味道會更加突出🌸奶油肉醬年糕配埋大量嘅肉醬，同埋煙韌彈牙嘅年糕🌸韓牛泡菜炒飯，大大隻燶邊蛋，蛋黃汁配埋牛肉粒、少少微辣嘅泡菜同埋紫菜，食材真係豐富！炒飯仲炒得粒粒分明，真係好滋味🌸提子梳打+荔枝梳打梳打清甜又解渴餐廳舒適寬敞，裝修好有風格！餐廳店員服務態度好友善，抵讚！店員仲會好細心主動咁幫我地烹調燒烤！呢間餐廳整體食物質素好高，會再幫襯呢！