初遇

Open Now

Now Closed

聽朋友推介粉嶺最近開咗間台式餐廳，趁住放工時間即刻試下佢先。〰️紅燒半筋半肉面 （$78）哇！牛肉同埋牛筋各自都有兩舊，大大舊。牛肉夠晒腍，牛筋夠哂膠原！湯底鮮甜，仲有粒粒蘿蔔！一定要配埋枱上嘅酸菜粒，味道超夾啊！〰️幸福一品臭臭鍋 （$118）雖然係一人份量，但其實份量都唔少。材料有台灣鴨血、蜆、肉、臭豆腐、榨菜、豆角、豬大腸等等。話就話臭臭鍋，不知幾香！可以選擇配粉絲、飯、米線等等。我就當然揀粉絲啦，因為最後會吸收晒湯底嘅味道～〰️紅棗桂圓茶 （$8）紅棗味香濃，夠哂養生。〰️紅豆珍珠奶茶 （$12）係台灣當地奶茶嘅味道啊！！珍珠煙韌，加埋紅豆一流。