馮濤泰菜

Open Now

Now Closed

雖然係鴨寮街，但係太子站行過去會較近，位於楓樹街球場隔離，門面光新，入到去先知原來係真泰國人主理，老闆話之前係灣仔果邊做開，後來搬過黎呢邊繼續，佢夜晚早巿係泰菜，十點過後就會搖身一變成為酒吧，我今次黎主要係食，就未有機會享受個吧既Feel了，但睇住佢個開放式廚房又幾盞鬼，烹調過程可以全程望到炸蝦餅(太好味，必嗌)上枱三大粒，店員話係手打既心思菜，大大粒佢比埋鉸剪我去分開，一入口，ＯＭＧ，真心彈牙，外層炸粉只係薄薄一浸，唔會太油膩之餘肉就算咁大舊都充滿蝦味，我自己絕對推薦呢樣係必嗌冬蔭功湯平時去親食泰菜都會飲冬蔭功湯，因為話哂係傳統，但呢個湯比到我驚喜既感覺，平時啲湯一係太酸一係太辣，呢個湯我最後係飲到一滴都冇剩，佢料足，個蝦頭啖啖肉去肴，其他新鮮配料令個湯滑而濃香，大推！！！泰式蝦油蝦炒飯個擺盤幾靚，望落去飯身粒粒分明，唔錯，點知食落口更加覺得正，肉鬆，色豆，提子乾基本野全部足料，食到呢味餸我絕對相信佢係正宗泰國菜了，真係還原左去泰國食好味泰國菜既感覺奶綠茶茶底香滑，抹茶味唔會過份濃，反而嗒到果浸茶香凍香茅茶好特別既味道，富有香茅味同埋有班蘭既清香，聽店員話佢地係用冰糖唔係用砂糖，令口