Mana Thai Kitchen (Closed)

今日喺灣仔做完野，約朋友食晚飯，佢話有間泰國菜都唔錯，所以就決定去試吓，佢地個門口裝修得好有泰式風情，以植物做主題。入到去座位都好闊落，唔會迫，坐得好舒服。泰式無骨鳳爪沙律，個沙律酸度適中，唔會太酸，食落好開胃，而d鳳爪係無骨，所以食落都好方便，雖然係小食，但份量都唔少。泰式烤豬頸肉，燒到有焦焦香香嘅感覺，但又唔會燒到好乾而冇晒水份，d肉仲好juicy，點埋佢嘅秘製醬汁，少少辣辣地，好惹味。泰式炒芥蘭，d菜炒得好爽口，唔會過淋，而且佢嘅味道都唔錯。蟹肉炒飯，d飯炒得唔太濕，好乾爽，好香蛋味，仲有好多蟹肉，幾好味。泰式奶茶，勁香濃嘅茶味，d奶都好香滑，唔太甜啱啱好。青檸梳打，d青檸夠酸，飲落好醒神又解渴。