Video
Read full review
2022-12-23
133 views
紅伶飯店，聽個名都夠晒老字號，呢間位於油麻地嘅潮州打冷飯店喺潮州菜既介別裏面非常有名，佢有兩層高，裏面裝修非常有舊式風格，大部份都係圓枱設計，有少至三人枱，去到七至八人枱都有，非常適合一班老友聚餐，潮州菜有最出名嘅馳名滷水鵝，當然佢呢度仲有招牌既冰鎮芥辣墨魚片同過百款嘅小炒，海鮮，甚至避風塘菜式都有，冬天又到啦，佢哋呢度推出咗羊腩煲，梗係要嚟試吓啦🐑枝竹羊腩煲 （細）$398 ：天氣咁凍梗係要叫返個羊腩煲食下啦，食完真係會暖粒粒，我哋只係嗌咗細嘅羊腩煲，但佢裏面既羊肉超多，幾乎淡淡肉，佢哋羊腩煲嘅味道同出邊特別唔同，原因係用咗古法烹調，將黑草羊炆煮多個鐘頭，所以先可以將羊肉炆到非常軟身，而湯底都非常濃郁，食落一啲都唔覺得有蘇味，除咗羊肉外仲有必備嘅枝竹同馬蹄，基本上兩個人食再加小菜真係會食唔晒😍😍🐙冰鎮芥辣墨魚片 $109 : 到呢款招牌菜冰鎮墨魚片，佢其實唔係潮州菜嚟，但絕對係呢度嘅鎮店之寶，首先將墨魚煮好後冷藏，然後切成薄片，疊係潮州鹹菜之上，再倒上麻油，食既時候蘸上日本芥末，真係非常值得推介呢道菜，佢嘅墨魚片新鮮爽口，因為麻油嘅關係令到墨魚片芬香撲鼻，再配埋鹹菜，令到整個口感昇華
🐑枝竹羊腩煲 （細）$398 ：天氣咁凍梗係要叫返個羊腩煲食下啦，食完真係會暖粒粒，我哋只係嗌咗細嘅羊腩煲，但佢裏面既羊肉超多，幾乎淡淡肉，佢哋羊腩煲嘅味道同出邊特別唔同，原因係用咗古法烹調，將黑草羊炆煮多個鐘頭，所以先可以將羊肉炆到非常軟身，而湯底都非常濃郁，食落一啲都唔覺得有蘇味，除咗羊肉外仲有必備嘅枝竹同馬蹄，基本上兩個人食再加小菜真係會食唔晒😍😍
🐙冰鎮芥辣墨魚片 $109 : 到呢款招牌菜冰鎮墨魚片，佢其實唔係潮州菜嚟，但絕對係呢度嘅鎮店之寶，首先將墨魚煮好後冷藏，然後切成薄片，疊係潮州鹹菜之上，再倒上麻油，食既時候蘸上日本芥末，真係非常值得推介呢道菜，佢嘅墨魚片新鮮爽口，因為麻油嘅關係令到墨魚片芬香撲鼻，再配埋鹹菜，令到整個口感昇華👍🏻👍🏻👍🏻
🦐西蘭花腰果蝦仁 $139 :最後叫咗一份西蘭花蝦仁，蝦仁又大又爽口，起碼有6，7件以上，再配埋熟度啱啱好嘅綠油油西蘭花，食咗啲咁濃烈嘅嘢食後食返清清地既菜，認真唔錯啊😆😆
Post
