Video
Read full review
2024-06-10
137 views
由於男友屋企係潮州人，時不時會聽到佢講啊婆細個會煮好多唔同潮州菜佢食，所以我對潮州菜充滿住好奇，今日帶佢嚟回味兒時滋味。一坐低，店員會好細心咁上幾杯功夫茶，係傳統老茶葉，非常清香。清燉荷包鱔荷包鱔經過慢煮再用菜葉包裹住放入湯熬煮，鱔嘅肉質好軟嫩，外皮仲有啲煙韌。菜葉味道清新又唔會蓋過蟮嘅味道，湯嘅味道濃得嚟色澤頗清，真係名符其實嘅功夫菜。鍾意鮮味同飲湯嘅朋友記得要打電話預訂，否則就好似我哋咁撞彩仲有可以叫到，太感動。鵝三寶拼盤包括咗鵝肝、鵝肉、鵝腸，潮州菜最出名係滷水，我哋就緊係要試下呢度正宗嘅味道。鵝肉連皮切片口感軟滑，鵝味突出，滷水嘅調味亦唔會過咸。鵝肝十分考功夫，一般容易處理得過老，不過呢度嘅師傅手法純熟，肝應該用了慢煮方式煮過，口感非常滑嫩，正！鵝腸處理得十分乾淨，冇任何多餘嘅脂肪殘留，既清爽又入味👍禾香鴿呢道菜十分特別，喺乳鴿入面釀咗啲已經炒香咗嘅糯米飯入去，再經酥炸，炸嘅火候啱啱好，乳鴿皮超級脆，但糯米飯又唔會吸哂啲油，整道菜都處理得好balance 。梅汁炆豬手豬手用咗燜煮嘅方式煨得非常軟綿綿，加上梅子汁煮到好入味，酸甜味道突出，好啱下飯。份量亦十分多，好啱大班人shar
由於男友屋企係潮州人，時不時會聽到佢講啊婆細個會煮好多唔同潮州菜佢食，所以我對潮州菜充滿住好奇，今日帶佢嚟回味兒時滋味。
一坐低，店員會好細心咁上幾杯功夫茶，係傳統老茶葉，非常清香。
清燉荷包鱔
荷包鱔經過慢煮再用菜葉包裹住放入湯熬煮，鱔嘅肉質好軟嫩，外皮仲有啲煙韌。菜葉味道清新又唔會蓋過蟮嘅味道，湯嘅味道濃得嚟色澤頗清，真係名符其實嘅功夫菜。鍾意鮮味同飲湯嘅朋友記得要打電話預訂，否則就好似我哋咁撞彩仲有可以叫到，太感動。
鵝三寶
拼盤包括咗鵝肝、鵝肉、鵝腸，潮州菜最出名係滷水，我哋就緊係要試下呢度正宗嘅味道。鵝肉連皮切片口感軟滑，鵝味突出，滷水嘅調味亦唔會過咸。鵝肝十分考功夫，一般容易處理得過老，不過呢度嘅師傅手法純熟，肝應該用了慢煮方式煮過，口感非常滑嫩，正！鵝腸處理得十分乾淨，冇任何多餘嘅脂肪殘留，既清爽又入味👍
禾香鴿
呢道菜十分特別，喺乳鴿入面釀咗啲已經炒香咗嘅糯米飯入去，再經酥炸，炸嘅火候啱啱好，乳鴿皮超級脆，但糯米飯又唔會吸哂啲油，整道菜都處理得好balance 。
梅汁炆豬手
豬手用咗燜煮嘅方式煨得非常軟綿綿，加上梅子汁煮到好入味，酸甜味道突出，好啱下飯。份量亦十分多，好啱大班人share。
汕頭煎蠔烙
肥美嘅蠔非常鮮甜，用咗麵糊包裹煎到十分酥脆。點上特調嘅汁醬一齊食好夾，啖啖都食到大量蠔肉，越食越過癮，都係份量十足，每人食左三大塊，夠哂滿足！
糖醋煎麵
食潮州菜點少得呢道傳統主食，兩面黃可以點砂糖同紅醋食，多層口感，煎麵餅亦唔會太油，師傅製作得啱啱好，手法正宗。
老藥桔
味道十分濃，夠哂陳年味道，可以清清油膩感同清熱氣，推介俾大家👍
Post
