Video
Read full review
2023-09-14
143 views
又係朋友聚會，今次想食返中餐，心水食潮州野，要好食又坐得好真係唔多，但今晚既飯店就中晒～小食：陳醋雲耳青瓜，開胃好食重有豆卜仔。滷水三拼：鵝翼、大腸、墨魚，鵝翼有肉、滷得又入味，而大腸有嚼勁唔硬，墨魚味道較清淡，但有墨魚既鮮味，最後既靈魂係墊底的滷水豆腐，豆腐嫩滑入味帶少少豆香。滷水鵝片，帶一層少少肥既鵝皮，鵝肉嫩滑，滷水汁鹹味恰到好處，充滿鵝既油香。同樣有豆腐墊底。梅羔醬烤骨，酸酸地好開胃，醬唔會好痴口。一字排骨，肉分明帶有少少肥，好食。高湯鹹骨大芥菜煲，芥菜煲都超腍，湯底十分清甜，係潮州人的家常菜。普寧鹽水炸豆腐，炸都外層勁脆口，但內面同平時既豆腐好唔同，有少少似魚腐口感，但豆味更濃，點埋鹽水食減少熱氣。家鄉蠔仔肉碎粥，蠔仔粒粒又肥又大，會粥好鮮甜，又有香菜等等調味，好正！潮州黃金煎伊麵，最期待係呢個，煎得兩面都脆口，中間既麵有少少似米粉，加埋陳醋，超好食😋
小食：陳醋雲耳青瓜，開胃好食重有豆卜仔。
滷水三拼：鵝翼、大腸、墨魚，鵝翼有肉、滷得又入味，而大腸有嚼勁唔硬，墨魚味道較清淡，但有墨魚既鮮味，最後既靈魂係墊底的滷水豆腐，豆腐嫩滑入味帶少少豆香。
滷水鵝片，帶一層少少肥既鵝皮，鵝肉嫩滑，滷水汁鹹味恰到好處，充滿鵝既油香。同樣有豆腐墊底。
梅羔醬烤骨，酸酸地好開胃，醬唔會好痴口。一字排骨，肉分明帶有少少肥，好食。
高湯鹹骨大芥菜煲，芥菜煲都超腍，湯底十分清甜，係潮州人的家常菜。
普寧鹽水炸豆腐，炸都外層勁脆口，但內面同平時既豆腐好唔同，有少少似魚腐口感，但豆味更濃，點埋鹽水食減少熱氣。
家鄉蠔仔肉碎粥，蠔仔粒粒又肥又大，會粥好鮮甜，又有香菜等等調味，好正！
潮州黃金煎伊麵，最期待係呢個，煎得兩面都脆口，中間既麵有少少似米粉，加埋陳醋，超好食😋
Post
