釜山商會

天氣凍，又心思思想食吓韓國菜，今次去咗尖沙咀金巴利道一間叫「釜山商會」嘅韓式餐廳，居民呢間餐廳係由韓國人主理，所以菜式非常正宗，好有風味。未嚟主菜前，先來六款小食，入面包括有泡菜、黑豆、番薯乾、薯仔絲等。味道唔錯，好開胃嘅小食拼盤。石鍋拌飯 ($118) - 多款蔬菜配上醬料，飯粒粒分明，軟糯有嚼勁，石鍋熱辣辣，啱晒冬天食呀。釜山商會即食辣炒年糕 ($220) - 湯味道夠濃郁，帶辣味，入面年糕、午餐肉、椰菜、魚糕片、即食麵等，非常惹味。排骨餃子（$70）- 一客有七隻，分量都幾大。餃子皮薄餡鮮，外皮金黃酥脆。餐廳食物質素相當不錯，上菜速度亦好快，地方闊落好坐，鍾意食韓國菜嘅朋友可以一試。