TOSS 蘇媽.蘇媽

Open Now

Now Closed

講起馬拉菜，第一時間諗起之前食過嘅肉骨茶、咖央多、椰漿飯等等菜式。今次去屯門 "TOSS 蘇媽.蘇媽"，品嚐另類馬拉菜式，感受一下馬來西亞風味！餐廳以半開放式設計，在門外可看到裡面，視野開揚，空間感足。傢俬用上深淺木色，環境自然舒適 ~大馬煎蛋肉碎飯      $68面層放上煎蛋，帶少少流心，煎得香口，白飯粒粒分明，配埋半肥瘦肉碎，質地嫩滑，鹹鹹香香，拌勻一齊食更惹味。特製辣椒板麵      $68板麵原本已調好濃稠嘅黑醬油、豉油，旁邊仲有辣醬，把調味醬料同所有食材，包括豬肉碎、蝦乾、炸小魚、半熟流心蛋、鬆脆嘅豬油渣、魚仔醬、炸蒜蓉、蔥花與板麵拌勻，板麵係扁身，加埋脆口嘅配菜，口感豐富，味道鹹香帶辣，好惹味。餐飲白咖啡，馬來西亞嘅白咖啡係煉奶加咖啡，所以比一般咖啡較濃厚，同埋奶味重！特別之處咖啡杯面有泡泡，相信用咗拉茶方法嚟調製呢杯咖啡。另一杯餐飲係拉茶，用椰奶配上紅茶沖嘅奶茶，特色又好飲，令我回味無窮。