王幺妹黔川米線 (Moved) New Location

今晚來黃埔穩老同吹下水，距帶我到距屋企附近一間小店食勁正羊腩煲。真係?等我來會一會~我地叫左個迷你羊腩煲，一上檯就聞到好勁羊肉香~混合埋小小香辣料。好惹味~入面還有蘿蔔，丸，豆卜腐竹等配料。滿滿一小鍋~羊肉十分鮮嫩，小小羊皮增添咬口，但係燉煮到好霖身...配菜吸收曬湯精華，好好食！蘿蔔清甜，豆卜入味。果然好正 ，價錢都係198蚊，提前一日order仲可九折....呢度仲有米線，湯底按個人口味選，連配菜，都係三十幾蚊。我就食招牌辣子雞，老同食清湯米線。各有風味，米線唔係譚仔D幼米線，比較粗身，小小似烏冬，但更軟滑。配上個麻辣豬耳，食飽飽~雖然係濃味菜式，但係食完唔會口渴。價錢親民，份量十足還可以打包....唔浪費....果然無介紹錯呀！