阿甘蝦餐廳

Open Now

Now Closed

最近疫情下無哂遊客，決定去山頂走一轉，結果一如所料，人流十分疏落，多數都是家長帶著小朋友。其實呢間餐廳已經食過幾次，所以今次都係叫返之前覺得好食既菜色。無論第一次還是第N次嚟都會再叫呢個最出名既桶蝦呀，唔知係咪因為用啤酒灼過既關係，蝦肉比起平時食開既都會較為彈牙，同食落好鮮味。而且有得揀蒜味或者辣味，個人比較鍾意食辣，因為比較香口之餘仲好開胃。第二樣必食推介! 魚柳配忌廉汁簡直perfect match，仲有薯蓉做 side dishes，個薯蓉佢應該加左一啲特別既香料，食落同平時既好唔同。話事話食完呢個都幾飽肚下。原本個名唔多記得，姑且叫佢做chicken burger。之前無試過係度食Burger，而佢既雞扒乾身得嚟又唔會太過鞋身，配返個千島醬同蕃茄蔬菜，總括來講都不過不失。沙律係加$55 算幾大碟酒味唔算濃，但飲落有啲似藥水味呢個入口幾似fruit punch，味道唔錯。