Video
Read full review
2023-06-20
2379 views
今次已經係我第二次嚟試佢地新嘅夜晚Menu，每次都帶俾我好多驚喜，每次都捧住個肚返屋企🤭約埋幾個為食嘅朋友一齊嚟試，我哋分別點咗兩份二人晚餐，再加埋上次試過返尋味嘅西班牙傳統水果紅酒，一齊傾吓偈食吓嘢咁就坐咗兩個幾鐘，今次都係坐返balcony位置，佢地除咗高椅餐椅重有充滿西班牙風情嘅方形木椅位，仲會有咕臣位坐得好舒服。⭐️香蒜番芫茜及樽檬涼拌小八爪魚爽滑得來又好嫩口帶微咬勁飽，香草嘅味道融合蒜蓉檸檬汁非常開胃！⭐️炭燒新鮮生蠔配香蒜及紅椒粉呢個係非常濃味嘅炭燒生蠔，第一次食到落咗紅椒粉嘅生蠔，入口除咗海水味夾雜微微嘅辣味，好惹味。⭐️手切墨魚闊條麵伴牛肝菌及西班牙白毛豬火腿忌廉汁對於想食面但係有碳水化合物敏感嘅我，呢個以墨魚製作而成嘅闊條麵就啱晒啦，爽口又彈牙，口感有少少似食緊超新鮮海蜇，配合埋牛肝菌同白毛豬火腿帶出香濃嘅肉味，忌廉亦配合得啱啱好！⭐️RUSTiCO 招牌西班牙海鮮魚湯作為招牌嘅海鮮魚湯，絕對會令你想返嚟再試，每一啖都充滿海洋嘅鮮香，有輕微嘅泡沫感覺，亦唔會過鹹，配合海魚嘅鮮嫩有層次嘅口感，重有蜆肉突出海洋嘅滋味！⭐️傳統馬鉿薯焗波士頓龍蝦🦞非常豐盛嘅波士頓龍蝦，完整一隻開邊再
今次已經係我第二次嚟試佢地新嘅夜晚Menu，每次都帶俾我好多驚喜，每次都捧住個肚返屋企🤭約埋幾個為食嘅朋友一齊嚟試，我哋分別點咗兩份二人晚餐，再加埋上次試過返尋味嘅西班牙傳統水果紅酒，一齊傾吓偈食吓嘢咁就坐咗兩個幾鐘，今次都係坐返balcony位置，佢地除咗高椅餐椅重有充滿西班牙風情嘅方形木椅位，仲會有咕臣位坐得好舒服。
⭐️香蒜番芫茜及樽檬涼拌小八爪魚
爽滑得來又好嫩口帶微咬勁飽，香草嘅味道融合蒜蓉檸檬汁非常開胃！
⭐️炭燒新鮮生蠔配香蒜及紅椒粉
呢個係非常濃味嘅炭燒生蠔，第一次食到落咗紅椒粉嘅生蠔，入口除咗海水味夾雜微微嘅辣味，好惹味。
⭐️手切墨魚闊條麵伴牛肝菌及西班牙白毛豬火腿忌廉汁
對於想食面但係有碳水化合物敏感嘅我，呢個以墨魚製作而成嘅闊條麵就啱晒啦，爽口又彈牙，口感有少少似食緊超新鮮海蜇，配合埋牛肝菌同白毛豬火腿帶出香濃嘅肉味，忌廉亦配合得啱啱好！
⭐️RUSTiCO 招牌西班牙海鮮魚湯
作為招牌嘅海鮮魚湯，絕對會令你想返嚟再試，每一啖都充滿海洋嘅鮮香，有輕微嘅泡沫感覺，亦唔會過鹹，配合海魚嘅鮮嫩有層次嘅口感，重有蜆肉突出海洋嘅滋味！
⭐️傳統馬鉿薯焗波士頓龍蝦🦞非常豐盛嘅波士頓龍蝦，完整一隻開邊再開埋蟹鉗，超級大份！薯仔吸收晒湯汁嘅味道亦好軟身 ，而雜菜香菇等香料提升味道，簡直好味到連汁都可以飲埋🤭
⭐️炭燒7天乾熟成地中海時令海魚我真係好鍾意食海魚嘅口感，除咗係炭燒咗七日熟成出不一樣的鮮甜味，魚肉口感亦會有一啲彈牙，啲配料吸收晒魚嘅鮮甜分外美味！
⭐️特色地中海海水雪糕配杏仁泡沫
泡沫棉密嘅質感，一啖食落去仲有海洋嘅鹹味，原來係落咗地中海海鹽！係純天然嘅手打鹽味雪糕🍧配合埋杏仁片，鹹鹹地甜甜地作為呢餐西班牙菜嘅尾聲🤭🥰🫶🏻
Post
