三小漁

Open Now

Now Closed

特登訂位黎試試，open rice上面都有幾多好評，點知比到既位就係門口檯，好似茶餐廳檯咁。我就冇乜所謂，但媽咪就有啲微言。啲座位安排係差啲，當晚都有好多檯客request換位。講返食物質素，賣相好靚好好睇，feel到有鑊氣。但係佢海鮮啲生熟程度控制得唔好。鮑魚太生，蟶子太老，硬到咬唔爛，呢個價位我唔expect咁樣既質素。話梅骨超級普通胡椒魚肚芥菜湯尚可，胡椒同薑味濃，暖暖地好舒服。啲職員係咁sell我地食啲貴價海鮮，不過我同媽媽得兩個人食，個份量太大。我同媽媽傾食緊咩，仲未準備落單既時候，佢地一排人企曬係我地附近，聽我地食咩。整體感覺有啲chur，感覺不太舒服。有位職員仲打瀉左點蟶子，熱辣辣醬油差啲滴到我媽媽隻手，結果我媽咪手機遭殃。成餐飯感覺唔算太好，食物一般，服務一般。呢個價錢唔值。