拉麵Jo

Open Now

Now Closed

今日星期日，出左銅鑼灣諗住去誠品行下，順手試下Jo 仔個沾麵。朋友上次去完拉麵Jo食，話佢好食過日本某d名店，講到咁款，好難唔試喎。沾麵要做得好真係唔易，一d做到個汁淡又稀，完全掛唔到個麵，有dd麵又做到太幼，要拎個平衡都唔易。要試就當然要試個好嘅，我叫左個特製沾麵。沾麵黎到個賣相就認真唔錯，佢個沾麵係粗麵黎，掛湯黎講比幼麵好，啖啖都沾滿湯，口感亦都有咬口，煙韌彈牙。 沾麵個湯底非常濃郁，木魚味重，但濃得黎又唔會油膩，都幾難得。至於個叉燒就有d肥，不過d肥膏入口即溶，偶然食一兩舊都可以接受。總括來講，沾麵做得真係好好，湯底濃而不膩，麵亦彈牙，真係好過唔少日本當地沾麵店。