麵屋一燈 (Closed)

星期六晏晝嚟到海港城，嚟到依間一直好想試嘅拉麵店。因為已經係下晝三點，基本上舖頭係冇乜人， 所以唔使等已經有位。呢間舖頭主打沾麵，但係亦都提供一般湯麵，咁當然我會揀佢個沾麵 試下啦。原本嗌咗最平嗰隻，但係個侍應都好有禮貌咁提醒我嗰隻係冇半熟蛋同叉燒，如果要嘅話就要嗌貴少少嗰隻。貴多20蚊就有半熟蛋同叉燒，所以我都嗌咗嗰隻。餐廳嘅裝修都好日式，亦都好闊落，好有氣氛好有空間感。舖面亦都好乾淨企理，唔會好似其他拉麵店咁咁逼。大約等咗十分鐘到已經上咗個拉麵。麵質好粗而且彈牙。湯頭非常 濃郁。叉燒有兩塊一塊係雞一塊係正常豬肉。佢嘅叉燒比較瘦唔會好肥。半熟蛋係佢嘅一個亮點，整得好好食。食咗十分鐘覺得個湯凍咗，所以叫個侍應翻熱。加熱咗嘅湯好飲好多。 價錢嚟講，因為餐廳係喺海港城所以叫接受到，但係亦比出面嘅其他拉麵店貴。