珍姐海鮮火鍋飯店

Open Now

Now Closed

珍姐出名難book就聞名於國際，book完仲要隔咁耐（大概一個月多少少）要大家都記得同埋準時埋位都唔係咁易。今次book左頭圍18:00，都唔係準時齊人，明嘅，香港人搵食艱難。訂枱時預訂左豬骨蜆煲、扇牯牛皇同埋海鮮拼盤，其他野就現場睇餸食飯啦。 🍲豬骨蜆煲好濃好夠味，一上枱就飲兩啖湯先，入面大概有豬骨、蘿蔔、蜆、粟米咁上下。 🥩扇牯牛皇有四款，包括腩頭、封門柳（好似係）、匙柄（好似係）同埋爪邊（？唔記得），全部即日本地手切，都算得上係溫體牛（？）。 🥩老蘭嫰牛四拼就係四款進口牛肉，包括封門柳、頸脊、匙柄同埋（唔記得）。一般黎講我都係偏好封門柳同頸脊，純粹係肉味同質感上嘅個人口味，唔代表牛肉部位嘅排名。 🦪海鮮拼盤方面有蟶子、北寄貝、沙白同埋（唔記得，好似係蜆），全部都好新鮮。 🐟鮮製三寶手打肉滑都幾特別，一共三款包括魚羊滑、墨魚滑同埋菜脯蝦醬豬肉滑。魚肉加羊肉真係為味覺帶來新衝擊。 另外仲叫左嘅食物就睇圖啦，包括門鱔魚蛋、魷魚串、滑雞件（真係好滑）、脆鯇魚片等等。 🍧完場前仲有個冰粉可以涼一涼，既清甜又有陣陣花香。 👏🏾場內氣氛好好，店員會介紹牛肉部位，仲有示範，話畀大家知大概煮幾耐，