Marco's Oyster Bar & Grill (Moved) New Location

今日收工約埋朋友去佐敦食飯，見到聖地牙哥酒店地下有一間舊式蠔吧就入去試下！餐廳環境昏暗，但每檯配有小小蠟燭，氣氛一流！一打開餐牌，就被法國鵝肝牛柳大餐吸引，二話不說就舉手落單了！前菜是三文魚撻撻，有煙三文魚同蛋沙律，配埋香脆法包同沙律菜，好美咪！之後係法國龍蝦濃湯，熱辣辣而且味道好濃郁！主菜我選左鵝肝拼牛柳，鵝肝煎得好香，而且一口咬落去，外面好脆，入面好肥美，入口即溶，配上沙律菜，剛好解油膩感覺！牛柳好厚身，但可能因為我點左7成熟，有少少熟過頭，但好在仍保持嫩滑多汁！最驚喜是配有香草意粉，應該是用橄欖油炒過，好香口！最後我加$15配埋紐約芝士餅，完美的一餐！