酒常堯Grill & Chill

Open Now

Now Closed

好開心！ 今日約左靚女去灣仔happy hrs 及食飯， 發現到灣仔有間好chill 既串燒食物， 正門冇咁起眼， 係個巷仔入面！ 一入餐廳， 見到一個好大好chill既吧頭， 我同朋友就坐喺吧頭到， 感覺好舒服同好chill. 因為靚女朋友都係好喜歡飲酒的， 所以我哋就先點一支汽酒， 員工上上下下都好親切， 因為餐廳喺新開的， 所以我哋就叫員工佢哋介紹食物俾我哋。 咁我哋今次就決定相信員工既介紹， 就點了以下美味既食物1） 磯煮鮑魚2） 辣酒煮蜆3） 紫蘇葉虎蝦雞皮4）掌中寶5） 魚水泡6）煙肉荔枝卷7） 雞蠔肉8）厚燒牛舌心9）羽衣甘藍10）鹽燒黑豚腩11）秘製燒豆腐12） 西蘭花苗共食咗12樣，全部都係覺得好特別同埋好好味呀， 無論賣相同埋味道都非常出色，有啲其實係第一次見到的，原來咁樣整法都可以。我覺得無論係食物同埋環境氣氛都非常之出色開心， 所以我哋就點咗兩支汽酒🤗！價錢又很合理， 朋友話想生日都喺度搞個生日飯。應該都好開心的！