Video
Read full review
2024-03-01
37 views
日本算得上香港人鍾意去嘅三大城市之一，有時候未飛得住，都可以去居酒屋過一過口癮！呢度居酒屋夠晒有特色，每逢星期二更加有Live Band駐場🎸，喺門口已經feel到入面high爆嘅氣氛，更加有一部投影機📽️播住日本嘅街景，滿滿嘅氛圍感！菜式都幾多元化，壽司、刺身、串燒同日式料理都有齊，一定有啱食嘅嘢！-——————————————🥔◖白松露油吞拿魚薯仔沙律◗ $78薯仔沙律加咗雞蛋碎同吞拿魚蓉，混合白松露油，口感好綿滑，松露香氣濃郁，香氣同味道同時彌漫喺口入面！🐟◖刺身盛合5點◗ $268刺身盛合真係好豐富，每一款厚度都有返咁上下！先由相對清淡嘅深海池魚食起，肉質鮮嫩；金線鯛口感緊實，八爪魚嘅咬勁恰到好處；帶子厚肉肥美；牡丹蝦彈牙鮮甜，但略嫌刺身凍咗少少，食落去嗰種鮮甜味相對冇咁出～🍥◖關東煮◗ $88關東煮好豐富，有娟豆腐、紀文竹輪、准山卷、五木魚餅、雞蛋同蘿蔔，每樣都大大嚿咁！鰹魚湯底鮮甜，裡面每一樣配料都索曬啲湯汁，咬落多汁又鮮甜！🥗◖黑豚沖繩苦瓜炒蛋◗ $78估唔到呢個配搭幾夾！沖繩苦瓜爽口，味道微甘，同黑豚嘅肉質完美配合。而且蛋味濃郁，口感更加滑，恰好可以中和返苦瓜嘅苦味！🍙◖
-——————————————
🥔◖白松露油吞拿魚薯仔沙律◗ $78
薯仔沙律加咗雞蛋碎同吞拿魚蓉，混合白松露油，口感好綿滑，松露香氣濃郁，香氣同味道同時彌漫喺口入面！
🐟◖刺身盛合5點◗ $268
刺身盛合真係好豐富，每一款厚度都有返咁上下！先由相對清淡嘅深海池魚食起，肉質鮮嫩；金線鯛口感緊實，八爪魚嘅咬勁恰到好處；帶子厚肉肥美；牡丹蝦彈牙鮮甜，但略嫌刺身凍咗少少，食落去嗰種鮮甜味相對冇咁出～
🍥◖關東煮◗ $88
關東煮好豐富，有娟豆腐、紀文竹輪、准山卷、五木魚餅、雞蛋同蘿蔔，每樣都大大嚿咁！鰹魚湯底鮮甜，裡面每一樣配料都索曬啲湯汁，咬落多汁又鮮甜！
🥗◖黑豚沖繩苦瓜炒蛋◗ $78
估唔到呢個配搭幾夾！沖繩苦瓜爽口，味道微甘，同黑豚嘅肉質完美配合。而且蛋味濃郁，口感更加滑，恰好可以中和返苦瓜嘅苦味！
🍙◖神秘炒飯◗ $98
炒飯配料未上枱之前都唔知係咩，滿滿嘅神秘感！🤣炒飯一上枱已經聞到好香，份量十足，飯粒粒粒分明有咬口，今次嘅配料係日式叉燒，充滿焦香而且仲有啲窿邊，食落好香口！
除咗佢啲日式料理同刺身壽司，仲有多款日式串燒🍢可以選擇，下面有啲價錢參考返～👇🏻
💕月見雞肉棒 $68
💕雞軟骨 $28
💕雞胸 $58
💕豆腐 $38
🍯◖蜜糖燒酹梳打◗ $78
🍇◖巨峰燒酹梳打◗ $78
嚟居酒屋一定要飲返兩杯！呢兩款燒酹梳打酒味唔濃，飲落亦都唔會太甜，比較清香，特別推介巨峰燒酹梳打，呢個味道好啱女仔飲！
🌟 Encore指數：8.5/10
Post
