孖寶車仔麵

Open Now

Now Closed

由中學開始已經去葵芳剪髮，每次經過都會食一碗車仔麵。今次專登帶個外國朋友嚟一齊食，水準依舊，好食。私心推介！秘製汁加手打麵！手打麵，其實應該就係上海粗麵，唔係周圍有得食，再加上佢嘅秘製汁，簡直係絕配！不過食咗咁多年，都食唔出秘製汁係咩味，總之就係好味。呢間車仔麵最特別係可以任加菜甫，有辣有唔辣任君選擇！我就建議加辣菜脯，再好食多一個層次。（掛住食，唔記得影加咗辣菜脯之後個樣）另外一個私心推介就係雞翼尖！佢嘅雞翼尖好入味，煮到好腍！不過一定要趁熱食！見好多客人都有叫滷水雞髀同腸粉，我今次都試一試。滷水雞髀屬於偏甜，但佢又未去到瑞士汁咁甜，好食。腸粉正常發揮，大家都可以試吓。