Video
Read full review
2022-12-27
114 views
放工同朋友去咗銅鑼灣食飯，🏮Fashion Walk食街有間韓式居酒屋叫「GYOJASANG」，人氣頗高，一定要訂定枱先有位。呢度裝修富格調，燈光偏暗，氣氛好好，環境寬敞；秋涼就最適合坐户外座位。餐廳主打韓國菜🇰🇷，所提供嘅菜式選項都幾廣泛，例如有刺身、小食、料理、燒烤、主食同湯等，並唔係集中某一類食物。所以我哋就每個類別都嗌咗啲，而全部出品亦都無令人失望😋。前菜係酸蘿蔔粒，食粒開開胃，佢係全晚最普通🙈，不過接住落嚟好精彩。生蠔($88/2 pcs)，首先咁大隻生蠔只係賣緊$4X隻好抵🦪，蠔本身高質，集肥美與鮮甜於一身，帶海水味，夠Creamy。另一邊廂，生蠔上面放咗由餐廳自家醃製嘅泡菜蕃茄莎莎🍅同魚子醬，並能豐富生蠔味道，且帶來新鮮感。蛋卷($88)，雞蛋卷好多餐廳都有得食，但好食嘅唔多，抑或Overpriced。不過呢度嘅蛋卷味道出色，定價合理。🍳蛋卷富層次感，煎蛋薄薄一片，捲埋再包裹紫菜同拉絲芝士，另配以茄汁同沙律醬食，惹味得嚟唔重口味，並保留蛋香。芝士炸豬扒($128)，佢係一件完美嘅炸豬扒，並唔係急凍舖買到嘅吉列豬。🐷豬扒形狀不規則，炸皮酥脆唔油膩，同肉層緊貼。豬扒肉厚，肉質
餐廳主打韓國菜🇰🇷，所提供嘅菜式選項都幾廣泛，例如有刺身、小食、料理、燒烤、主食同湯等，並唔係集中某一類食物。所以我哋就每個類別都嗌咗啲，而全部出品亦都無令人失望😋。
前菜係酸蘿蔔粒，食粒開開胃，佢係全晚最普通🙈，不過接住落嚟好精彩。
生蠔
$88
4 views
0 likes
0 comments
蛋卷
$88
4 views
0 likes
0 comments
芝士炸豬扒
$128
3 views
0 likes
0 comments
芝士炸豬扒($128)，佢係一件完美嘅炸豬扒，並唔係急凍舖買到嘅吉列豬。🐷豬扒形狀不規則，炸皮酥脆唔油膩，同肉層緊貼。豬扒肉厚，肉質鬆軟，中間並釀入拉絲芝士🧀，相當邪惡。由於芝士唔係流質，所以食落唔算溜。底部墊咗少量椰菜絲，參考自日式風格。
紅竹蝦
$228
12 views
0 likes
0 comments
紅竹蝦($228)，店員推介食紅竹蝦，因為好大隻。佢果然無呃人，🦐紅竹蝦有筷子咁長，大小同波士頓龍蝦相若，但可以食嘅肉更多，而味道亦更突出。燒蝦香氣特別強，蝦頭位置附有鮮甜蝦膏，而蝦肉自身就超級爽彈，完全將蝦嘅優點一覽無遺咁呈現出嚟。為咗進一步增添蝦香，廚師更用上櫻花蝦作點綴🌸。
牛骨清湯
$115
6 views
0 likes
0 comments
牛骨清湯($115)，牛骨湯還原度極高，同喺韓國飲嘅雪濃湯好相似。🔥湯品熱辣辣，湯頭高溫熬煮至奶白色，味道天然，鹹度適中，無添加味精，亦唔肥膩。牛湯之中仲有牛肉薄片🐮、洋蔥、椰菜同粗粉絲等，飲完好滿足。
燉牛肋骨($228)，呢道菜係食肉獸之選，因為牛肋骨超大嚿兼厚肉🍖，並有成三件。牛腩肉具質感，但並唔嚡口，筋位則炆至軟淋。除咗肉之中，鍋物中亦有雙色蘿蔔，佢哋煮至超甜、超入味，又無渣。整體醬汁調味比較濃稠，有少少似中式小菜，適合配飯食🍚。
飲品方面，因為揸咗車，所以無嗌酒，但非酒精類嘅飲品唔多。我哋最終嗌咗青檸梳打同橙汁，價錢每杯$48，大大杯🍹，都OK。
總括嚟講，呢間韓式居酒屋嘅出品水準極高💯，基本上今晚食嘅菜式，如果下次嚟我都想Encore。餐廳雖然喺銅鑼灣地段，但難得唔算貴，怪不得開業半年就成為大家嘅寵兒。最後，店員服務態度專業有禮，並會主動詳細介紹菜式，抵讚👍。
Post
