Video
Read full review
2024-06-05
646 views
見到第一日已經排咁多個鐘以為有排都唔會試到嘅日本過江龍餐廳好彩之後出咗網上預約雖然都係好難搶但經過好長時間嘅嘗試終於可以試到! 餐廳只係提供一款「挽肉と米套餐」每人都至少要叫一個套餐包咗3塊約90g嘅漢堡扒即場炭火燒烤可以再額外加漢堡同埋前菜 套餐仲有附白飯(可以任添)、每人一隻生蛋同埋麵鼓湯每樣食材都由日本進口本身已經好好食 職員全部都好有禮貌同埋好細心如果第一次嚟仲會仔細咁介紹食法拉開抽屜都會有張紙介紹有好多種唔同嘅調味可以自行配搭 3塊漢堡都有推薦食法 當送上飯同埋湯之後第一塊熱焫焫又香噴噴嘅漢堡都已經放係面前影相果陣不停咁滴緊油即刻放入碗先 第一塊先試原味一咬落去啲肉汁已經湧緊出嚟流晒落飯入面超邪惡嘅香味就算唔落任何調味都已經好香不過第一次嚟都係每樣都試一下 大部分醬料睇落都係辣不過由於唔想搶走漢堡嘅味只係淺嚐所以唔算太辣個人覺得唔加係最好食 而最貼心嘅係每一塊漢堡都係食完先再放到你面前確保每一塊都係最佳狀態下食到 第二塊就推薦先放蘿蔔泥係漢堡面再加柚子醋食兩樣都係自家製酸酸地好開胃 第三塊就加埋生雞蛋一齊食蛋黃好橙色好濃蛋味今次原隻打勻都可以試下淨係加蛋黃就可以變成日本餐廳常
以為有排都唔會試到嘅日本過江龍餐廳
好彩之後出咗網上預約
雖然都係好難搶
但經過好長時間嘅嘗試終於可以試到!
餐廳只係提供一款「挽肉と米套餐」
每人都至少要叫一個套餐
包咗3塊約90g嘅漢堡扒
即場炭火燒烤
可以再額外加漢堡同埋前菜
套餐仲有附白飯(可以任添)、每人一隻生蛋同埋麵鼓湯
每樣食材都由日本進口
本身已經好好食
職員全部都好有禮貌同埋好細心
如果第一次嚟仲會仔細咁介紹食法
拉開抽屜都會有張紙介紹
有好多種唔同嘅調味可以自行配搭
3塊漢堡都有推薦食法
當送上飯同埋湯之後
第一塊熱焫焫又香噴噴嘅漢堡都已經放係面前
影相果陣不停咁滴緊油
即刻放入碗先
第一塊先試原味
一咬落去啲肉汁已經湧緊出嚟
流晒落飯入面超邪惡嘅香味
就算唔落任何調味都已經好香
不過第一次嚟都係每樣都試一下
大部分醬料睇落都係辣
不過由於唔想搶走漢堡嘅味只係淺嚐
所以唔算太辣
個人覺得唔加係最好食
而最貼心嘅係
每一塊漢堡都係食完先再放到你面前
確保每一塊都係最佳狀態下食到
第二塊就推薦先放蘿蔔泥係漢堡面再加柚子醋食
兩樣都係自家製
酸酸地好開胃
第三塊就加埋生雞蛋一齊食
蛋黃好橙色好濃蛋味
今次原隻打勻
都可以試下淨係加蛋黃就可以變成日本餐廳常見嘅樣
雖然無試過食日本原版
但香港分店水準都極高
感覺好有日本用餐嘅優質感覺
Post
